Pra toje, što ŭ Viciebsku pieraboi z vakcynaj ad šalenstva, 25-hadovy Alaksandar, prahramist ź Viciebsku, daviedaŭsia ŭ paliklinicy, kali pryjšoŭ rabić treciuju pa liku abaviazkovuju pryščepku.
Pra toje, što ŭ Viciebsku pieraboi z vakcynaj ad šalenstva, 25-hadovy Alaksandar, prahramist ź Viciebsku, daviedaŭsia ŭ paliklinicy, kali pryjšoŭ rabić treciuju pa liku abaviazkovuju pryščepku.
Nia tak daŭna niebaraku ŭkusiŭ vałacužny sabaka. Daktary pryznačyli Alaksandru prafilaktyčnuju vakcynacyju ad šalenstva. Dźvie nieabchodnyja pryščepki ŭ bolnicy chutkaj dapamohi jamu zrabili, a kali jon pryjšoŭ ukałocca ŭ treci raz. doktar raźvioŭ rukami: niama vakcyny!
–Treciuju pryščepku mnie treba było zrabić 9 kastryčnika. Doktar skazaŭ, što vakcyny niama va ŭsioj respublicy! 10 kastryčnika ja pryjšoŭ a vośmaj ranku. Toj samy adkaz. Patelefanujcie, kažuć, pry kancy tydnia, moža, padviazuć… Ale pryščepki ad šalenstva treba rabić pa peŭnaj schiemie! Nadviačorkam patelefanavali, skazali, maŭlaŭ, znajšli dźvie ampuły, prychodźcie, my vas ukolem. Ale ž vychodzić, što hrafik vakcynacyi u mianie źbiŭsia na dzień. Zaraz vo siadžu ŭ internecie, šukaju infarmacyju pra toje, jakija mohuć być paśledki z-za hetaha zboju!
Kali letaś u Viciebsku było zarehistravana krychu bolš za 80 vypadkaŭ labaratorna paćvierdžanaha šalenstva žyviołaŭ, to na sioleta na 10 kastryčnika – užo 258. Letam u abłasnoj infekcyjnaj bolnicy ad šalenstva pamior małady čałaviek ź Sianna, jakoha ŭkusiŭ chvory janot. U takim kantekście chvalavańnie Alaksandra bolš čym zrazumiełaje.
– Vakcyna jość, ale jaje małavata, - prakamentavaŭ sytuacyju načalnik adździeła asabliva niebiaśpiečnych infekcyj abłasnoha centru hihijeny i epidemijalohii Anatol Anańjeŭ. – Užo tydzień my pieranosim terminy pryščepak dla tych hramadzianaŭ, jakim treba zrabić piatuju i šostuju pryščepki. Praz tydzień čakajem, što prybudzie dadatkovaja vakcyna. Pryščepki ź pieršaj da čaćviortaj musiać rabicca stroha pa hrafiku ciaham 14 dzion. U sytuacyi z Alaksandram doktar pavioŭ siabie niasłušna. U vypadku adsutnaści vakcynyn jon musiŭ byŭ źviarnucca ŭ inšyja lekavyja ŭstanovy i znajści jaje. Darečy, za heta doktar atrymaŭ spahnańnie.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj8
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary