Ziemlatrus, cunami i vyviaržeńnie vułkanu za try dni.
U Indaniezii iznoŭ adbyłasia pryrodnaja katastrofa. Paśla razburalnaha ziemlatrusu i mahutnaha cunami pačałosia vyviaržeńnie vułkana.
Na dadzieny momant u śpiskach achviar 140 čałaviek, niekalki sotniaŭ źnikli bieź viestak.
Uviečary 26 kastryčnika la vostrava Java pačałosia vyviaržeńnie vułkana Mierapi,
vyšynia jakoha amal 3000 mietraŭ. U nieba padnialisia słupy popiełu, jakija vyklikali paniku ŭ miascovych žycharoŭ.
Za apošnija niekalki dzion kraina stała achviaraj adrazu troch stychij. U noč na aŭtorak adbyłosia adrazu 11 ziemlatrusaŭ mahnitudaj ad 5 da 6,2 bałaŭ z epicentram u 80 kiłamietrach ad najbujniejšaha vostrava — Sumatry. Adrazu ŭśled za hetym była abjaŭlena pahroza cunami.
Trochmietrovyja chvali abrynulisia na archipiełah Mientavej. Jany zabrali ŭ mora dziesiatki čałaviek. Vada zatapiła vulicy i doma. Pa papiarednich padlikach, achviarami pavodki stali 113 čałaviek, jašče zvyš 500 ličacca prapaŭšymi bieź viestak.
Urad užo zajaviŭ, što nie byŭ hatovy da takich razburalnych udaraŭ stychii.
Indaniezija źjaŭlajecca častkaj cichaakijanskaj pałasy vułkanaŭ i tektaničnych razłomaŭ daŭžynioj 40 tysiač kiłamietraŭ i maje formu padkovy. Mienavita tut znachodzicca amal 90% z prykładna 1,5 tys. viadomych vułkanaŭ płaniety, u tym liku 328 z 540 dziejučych naziemnych vułkanaŭ. Tut ža adbyvajecca pieravažnaja častka ŭsich ziemlatrusaŭ na płaniecie.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie26
Kamientary