DTZ z udziełam vadziciela adnaho sa staličnych taksaparkaŭ adbyłosia na dniach u Minsku.
Jak paviedamili ŭ adździele infarmacyi i hramadskich suviaziaŭ HUUS Minharvykankama, na vulicy Annajeva ŭ Partyzanskim rajonie taksist, jaki znachodziŭsia ŭ stanie mocnaha ałkaholnaha apjanieńnia, nie spraviŭsia z kiravańniem. Jaho aŭtamabil najechaŭ na bardziur, vyskačyŭ na hazon i źnios try drevy. U vyniku sutyknieńnia stryječny brat taksista, jaki znachodziŭsia na piarednim pasažyrskim siadzieńni, atrymaŭ traŭmy. Mocnyja paškodžańni atrymaŭ aŭtamabil.
Supracoŭniki DAI, jakija prybyli na miesca zdareńnia, dastavili taksista na miedycynski ahlad,
jaki vyjaviŭ u jaho kryvi 2,66 pramile ałkaholu,
što nijak nie adpaviadała 150 hramam harełki, jakija, pavodle słoŭ parušalnika, jon vypiŭ napiaredadni. Pryčym u takim stanie na vočy inśpiektaraŭ hety mužčyna trapiŭ užo ŭ čaćviorty raz.
«Za kiravańnie transpartnym srodkam u stanie ałkaholnaha apjanieńnia taksistu pahražaje štraf da 35 bazavych vieličyniaŭ z pazbaŭleńniem prava kiravańnia aŭtamabilem na try hady, — paviedamiŭ načalnik adździeła DAI Partyzanskaha RUUS Minska Valeryj Najdzienka. — Administracyjnuju adkaznaść jon paniasie i za ŭčynieńnie DTZ: Kodeksam ab administracyjnych pravaparušeńniach za heta praduhledžany štraf u pamiery da 10 bazavych vieličyniaŭ». Aprača taho, za paškodžańnie zialonych nasadžeńniaŭ vadziciel pavinien kampiensavać uron pradpryjemstvu «Zielanbud».
Kamientary