Kandydat Aleś Michalevič čytaŭ pytańni z noŭtbuka i chvalavaŭsia.
Kandydat Aleś Michalevič źjaviŭsia pierad hledačami ŭ čyrvonym halštuku i z noŭtbukam u kucie ekrana. Vidavočna, što jon chvalavaŭsia.Składvałasia ŭražańnie, što biez zazirańnia ŭ šparhałku jon nie moh uspomnić navat svaju bijahrafiju. Niaredka papraŭlaŭ akulary, zapinaŭsia. Umieńniu trymacca pierad videakamierami jamu jašče treba vučycca.
Vystupaŭ pa‑rasiejsku, aproč dźviuch nievialikich častak.
Michalevič adrazu papiaredziŭ, što ničoha abiacać nie choča. «Ja nie chaču ŭdzielničać u spabornictvie abiacańniaŭ kandydataŭ», — zaznačyŭ A.Michalevič.
Kandydat ci nie adrazu zaznačyŭ, što siońniašniaja ekanamičnaja madel sastareła. Jana była aktualnaj dla 1990‑ych, ale nie adpaviadaje patrebam siońniašniaha času. I niezaležna ad taho, chto stanie prezidentam, ekanamičnuju madel daviadziecca źmianiać.
Šmat uvahi nadzialałasia raźvićciu siaredniaha i małoha biźniesu. Jak i Rymašeŭski, jon abiacaŭ admienu kantraktaŭ, a taksama ŭviadzieńnie samakiravańnia.
Uvohule svaju pramovu jon budavaŭ pa pryncypu «pytańnie — adkaz». Pytańni jakraz i začytvalisia z noŭtbuka.
Michalevič adznačyŭ, što za časami Łukašenki ŭ Biełarusi nie budavalisia bujnyja pradpryjemstvy. A z tych, što byli pabudavanyja jašče za Savietami, zvyšprybytkaŭ užo nie budzie.
«Pryvatyzacyja — nie samameta. Meta — ekanamičnaja efiektyŭnaść», — zaznačyŭ kandydat. Jon havaryŭ pra važnaść pryvatyzacyi bujnych i siarednich pradpryjemstvaŭ.
Adno pytańnie tyčyłasia Mytnaha sajuzu, jaki šmat krytykavaŭsia pradstaŭnikami niezaležnaha hramadstva. Michalevič prapanavaŭ šukać «mienš ideałohii, a bolš ekanomiki».«Kali heta budzie efiektyŭnym, to varta zastacca», — skazaŭ A.Michalevič.
Rasijskija inviestycyi Michaleviča nie pałochajuć. Jak i lubyja inšyja, što buduć vykonvać biełaruskija zakony.
«Armija patrebnaja. Ja za toje, kab Biełaruś była niejtralnaj dziaržavaj. Ale niejtralnaja nie značyć pacyfisckaja. Sumiesnyja vučeńni patrebnyja i z NATO, i z Rasijaj. Aficery paśla vychadu ŭ zapas pavinny atrymać dom pad Minskam, ci ŭ inšym miescy», — heta što datyčyć armii.
Aleś Michalevič pierakanany, što źmianšać kolkaść milicyi nie treba, bo «paśla ekanamičnych pieraŭtvareńniaŭ niepaźbiežny rost złačynnaści».
Michalevič nie źjaŭlajecca prychilnikam vialikaj amnistyi, ale pryznaje, što niekatoryja siadziać pa nadumanych abvinavačvańniach. Jon za ŭviadzieńnie pryvatnaj ułasnaści na ziamlu.
Michalevič nie stavić vybar pamiž Jeŭrasajuzam i Rasijaj. Zatoje bolš ščylnyja kantakty jon prapanuje z Ukrainaj i Jeŭrasajuzam.
U ES nas nie čakajuć, ličyć kandydat. Jon kaža, što pytańnie ŭstupleńnia ci nie ŭstupleńnia ŭ Jeŭrasajuz budzie vyrašać nie jon, a ŭžo nastupny prezident.
Michalevič niehatyŭna stavicca da idei parłamienckaj respubliki, a taksama suprać pryznańnia niezaležnaści Abchazii i Paŭdniovaj Asiecii, jak i Kosava.
«Ja nie abiacaju pavyšeńnia piensii», — skazaŭ jon. Na jahonuju dumku, i siońniašniaje pavyšeńnie adabjecca rostam cenaŭ i pavyšeńnia kursu dalara.
«Chrosnaha baćku» hladzieŭ. Nie ŭraziła», — prakamientavaŭ jon skandalny film NTV.
Michalevič vystupiŭ za abaviazkovaje vyvučeńnie anhlijskaj movy.
Nu a skončyć pramovu ničym lepšym, jak inicyjatyvaj pa zabaronie «čarniła», kandydat nie znajšoŭ.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary