Кандыдат Алесь Міхалевіч чытаў пытанні з ноўтбука і хваляваўся.
Кандыдат Алесь Міхалевіч з’явіўся перад гледачамі ў чырвоным гальштуку і з ноўтбукам у куце экрана. Відавочна, што ён хваляваўся.Складвалася ўражанне, што без зазірання ў шпаргалку ён не мог успомніць нават сваю біяграфію. Нярэдка папраўляў акуляры, запінаўся. Уменню трымацца перад відэакамерамі яму яшчэ трэба вучыцца.
Выступаў па‑расейску, апроч дзвюх невялікіх частак.
Міхалевіч адразу папярэдзіў, што нічога абяцаць не хоча. «Я не хачу ўдзельнічаць у спаборніцтве абяцанняў кандыдатаў», — зазначыў А.Міхалевіч.
Кандыдат ці не адразу зазначыў, што сённяшняя эканамічная мадэль састарэла. Яна была актуальнай для 1990‑ых, але не адпавядае патрэбам сённяшняга часу. І незалежна ад таго, хто стане прэзідэнтам, эканамічную мадэль давядзецца змяняць.
Шмат увагі надзялялася развіццю сярэдняга і малога бізнесу. Як і Рымашэўскі, ён абяцаў адмену кантрактаў, а таксама ўвядзенне самакіравання.
Увогуле сваю прамову ён будаваў па прынцыпу «пытанне — адказ». Пытанні якраз і зачытваліся з ноўтбука.
Міхалевіч адзначыў, што за часамі Лукашэнкі ў Беларусі не будаваліся буйныя прадпрыемствы. А з тых, што былі пабудаваныя яшчэ за Саветамі, звышпрыбыткаў ужо не будзе.
«Прыватызацыя — не самамэта. Мэта — эканамічная эфектыўнасць», — зазначыў кандыдат. Ён гаварыў пра важнасць прыватызацыі буйных і сярэдніх прадпрыемстваў.
Адно пытанне тычылася Мытнага саюзу, які шмат крытыкаваўся прадстаўнікамі незалежнага грамадства. Міхалевіч прапанаваў шукаць «менш ідэалогіі, а больш эканомікі».«Калі гэта будзе эфектыўным, то варта застацца», — сказаў А.Міхалевіч.
Расійскія інвестыцыі Міхалевіча не палохаюць. Як і любыя іншыя, што будуць выконваць беларускія законы.
«Армія патрэбная. Я за тое, каб Беларусь была нейтральнай дзяржавай. Але нейтральная не значыць пацыфісцкая. Сумесныя вучэнні патрэбныя і з НАТО, і з Расіяй. Афіцэры пасля выхаду ў запас павінны атрымаць дом пад Мінскам, ці ў іншым месцы», — гэта што датычыць арміі.
Алесь Міхалевіч перакананы, што змяншаць колькасць міліцыі не трэба, бо «пасля эканамічных пераўтварэнняў непазбежны рост злачыннасці».
Міхалевіч не з’яўляецца прыхільнікам вялікай амністыі, але прызнае, што некаторыя сядзяць па надуманых абвінавачваннях. Ён за ўвядзенне прыватнай уласнасці на зямлю.
Міхалевіч не ставіць выбар паміж Еўрасаюзам і Расіяй. Затое больш шчыльныя кантакты ён прапануе з Украінай і Еўрасаюзам.
У ЕС нас не чакаюць, лічыць кандыдат. Ён кажа, што пытанне ўступлення ці не ўступлення ў Еўрасаюз будзе вырашаць не ён, а ўжо наступны прэзідэнт.
Міхалевіч негатыўна ставіцца да ідэі парламенцкай рэспублікі, а таксама супраць прызнання незалежнасці Абхазіі і Паўднёвай Асеціі, як і Косава.
«Я не абяцаю павышэння пенсіі», — сказаў ён. На ягоную думку, і сённяшняе павышэнне адаб’ецца ростам цэнаў і павышэння курсу даляра.
«Хроснага бацьку» глядзеў. Не ўразіла», — пракаментаваў ён скандальны фільм НТВ.
Міхалевіч выступіў за абавязковае вывучэнне англійскай мовы.
Ну а скончыць прамову нічым лепшым, як ініцыятывай па забароне «чарніла», кандыдат не знайшоў.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары