U 1957 h. kamičny duet Vinsa Kolinza i Łejni Morysa — na viaršyni słavy. Ale ŭ numary hierojaŭ znachodziać trup blandynki. Choć u aktoraŭ žaleznaje alibi, duet raspadajecca. Praz 15 hadoŭ impetnaja žurnalistka vyrašaje dakapacca praŭdy.
Dzie chavajecca praŭda (Where the Truth Lies).
Kanada—Vialikabrytanija—ZŠA, 2005, kalarovy, 108 chv.
Žanr: drama pavodle ramanu Ruperta Hołmza.
Adznaka: 7,5 (z 10).
U 1957 h. kamičny duet Vinsa Kolinza i Łejni Morysa — na viaršyni słavy. Ale ŭ numary hierojaŭ znachodziać trup blandynki. Choć u aktoraŭ žaleznaje alibi, duet raspadajecca. Praz 15 hadoŭ impetnaja žurnalistka vyrašaje dakapacca praŭdy.
Režyser Atam Ehajan placie składanaje siecińnie z roznych časoŭ, versij i seksualnych šmatkutnikaŭ. Blandynka zamianiaje blandynku, kraducca imiony j bijahrafii, ščyryja ślozy ŭ teletranślacyi nia toje, što zdajecca. Raskoša j piaščotnyja kolery, podych kamery, kachańnie na troch, amary, narkotyki. Ale dla kiču Ehajan zanadta čałaviečny, dla epatažu — zanadta statusny.
Amatary erotyki buduć aburanyja mudrahielistaj strukturaj apaviadańnia, a znaŭcy detektyvu nie darujuć aŭtaru prościeńkaj «praŭdy» — banalnaj i pustavataj. Ale nasupierak usiamu jość praŭda ŭ maŭčańni — i pakutlivych zmorščynkach.
Hałoŭnyja roli vykonvajuć: Kievin Bejkan, Kolin Fiort i Elisan Łoman.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary