U liście zaŭvažny adbitak taho, jak źniavolenyja ŭjaŭlajuć realnaść u krainie.
Darja Korsak, žonka palitźniavolenaha pres-sakratara Andreja Sańnikava, atrymała ad jaho list. Voś vytrymki ź jaho:
«Vitaju, miłaja Daračka!
Siońnia byŭ rady atrymać list ad baćkoŭ i, viadoma, tvajo piśmo. Naahuł, situacyja ź listami vyjaŭna palepšała. Nie viedaju, jak maje listy, ale vašy ja ciapier atrymlivaju značna čaściej. Zrešty, nie skažu, što ja pišu šmat listoŭ. Chutčej, ja pišu ich nie šmat. Sama razumieješ, chto žyvie doŭha i ŭ ich jość na toje pryčyny i padstavy [majecca na ŭvazie fraza «paranoiki žyvuć doŭha» -- zaŭv. Charter97.org]. Siońnia naahuł dzień nasyčany padziejami, jak na našy «piensijnyja» mierki: atrymaŭ pieradaču, atrymaŭ tabletki, jakija ty mnie pasyłała raniej, atrymaŭ tvaje i baćkoŭskija listy i daviedaŭsia pra toje, što pryznačanaja data suda. (...)
Darka, heta vielmi važna. Vy małajcami, asabliva ty. Ujaŭlaju, jak tabie było ciažka ŭvieś hety čas. Ale treba razumieć, što vynik suda taksama nie budzie takim, jaki ŭsich nas zadavolić. Inšymi słovami, treba być hatovymi da horšaha. Choć jasnaści ŭ lubym vypadku dadasca.
U suviazi z hetym, chaču paprasić vas usich być mocnymi i mužnymi, nijakich śloz i nieprytomnaściaŭ, mier i, viadoma, biez usialakich vykazvańniaŭ. Na hetym budziem ličyć praktyčnuju častku lista zavieršanaj.
Nu, a naahuł, u mianie ŭsio narmalna. Zdarovy i dobra jem. (...) Usich vitaj. Ja nasamreč maju na ŭvazie amal usich znajomych, nu i sama viedaješ, kamu asabliva. (...)
Dobra, skančaju list. 1-ha pabačymsia ...
Tvoj muž»
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary