Minskim «valutčykam» prapanujuć pieraličvać hrošy achviaram trahiedyi mietro

Tydzień tamu NN napisała pra sajt «Piotr Piatrovič. Prakapovič», na jakim, siarod inšaha, možna raźmiaścić abviestku, kali vy nie baiciesia milicyi i padatkavaj, nakont nabyćcia abo prodažu valuty ŭ abychod abmieńnikaŭ pa vyšejšym kursie. Prykładam, siońnia na sajcie źmieščany 23 prapanovy nabyć dalary, pa kursie ad 3 600 da 4 200 rubloŭ za adzinku amierykanskaj valuty.

Źmiaščajucca taksama na sajcie naviny pra valutny rynak, abo situacyju z ekanomikaj u Biełarusi. Pryčym administracyja sajta padyšła da raźmiaščeńnia navinaŭ ź inšych sajtaŭ pa-navatarsku. Zamietka kapijujecca ŭ aryhinalnym vyhladzie, zachoŭvajecca aryhinalnym i zahałovak, ale svajo staŭleńnie da toj ci inšaj naviny abo kamientara aŭtary sajta vykazvajuć u ściobnych tehach.

Tak, navina Łukašienko: Dievalvacijej ekonomiku nie otriehuliruješ prakamientavana nastupnymi tehami: Alaksandr Ryhoravič, aŭtatreninh, patok śviadomaści, śviežy pohlad, žestačajšy paradak.

***

Razam z tym, trahiedyja ŭ minskim mietro, što zabrała žyćci 13 čałaviek,

uniesła karektyvy i ŭ pracu vidavočnaha žartaŭlivaha i ściobnaha infaresursa.

Na sajcie źmieščany vialiki banier u pamiać achviaraŭ u minskim mietro, a najhałoŭnym artykułam siońnia źjaŭlajecca Dapamoha achviaram minskaha vybucha

Stvaralnik sajta zaznačaje:

«Jak mnie padkazvaje naša niachitraja sistema ŭliku i analizu, sajt karystajecca šalonaj papularnaściu. Tak, tolki ŭ aŭtorak było dadadziena kala piacidziesiaci novych abjavaŭ na ahulnuju sumu kala niekalkich socień tysiač dalaraŭ. Zaŭvažu, što heta tolki za aŭtorak, dzień paśla vybuchu ŭ minskim mietro, ​​kali naša siaredniaja naviedvalnaść źniziłasia ŭ čatyry razy. Užo nie viedaju, kolki z hetych hrošaj paŭdzielničali ŭ apieracyjach abmienu, a kolki tak i zastalisia niedasiažnymi marami asobnych klijentaŭ, ale fakt zastajecca faktam: sajt Piatra Piatroviča dapamahaje ludziam ŭvasobić mary ŭ realnaść.

Mnie, jak stvaralniku sajta, chaciełasia b, kab i vy, pavažanyja karystalniki, dapamahli tym, kamu ciapier drenna.

Ja nie prašu ničoha dla siabie i dla sajta: my byli i zastajemsia biaspłatnymi dla ŭsich katehoryj karystalnikaŭ. Adnak ja prapanuju vam nastupnuju schiemu.

Pry ździajśnieńni apieracyi abmienu valuty, kali vy znajšli kontrahienta praz naš sajt,

ja prapanuju vam razam pieravieści adzin pracent ad sumy tranzakcyi na dabračynnyja rachunki, adkrytyja dziaržaŭnymi ŭstanovami Respubliki Biełaruś na dapamohu achviaram vybuchu ŭ minskim mietro.

Jaki rachunak vybrać, vyrašać vam. Zapłacić hetyja hrošy, ci nie — taksama vyrašać vam.

Prašu pamiatać tolki ab adnym: my adzin narod.

I jakimi b roznymi my ni byli, my pavinny heta razumieć i padtrymlivać adzin adnaho. Davajcie budziem ščodrymi ŭ adnosinach da inšych ludziej i budziem zaŭsiody pamiatać pra toje, što ŭsio dobraje, što my robim, abaviazkova da nas vierniecca.

(...)

Ź siońniašniaha dnia pry dadavańni statystyki vy zmožacie pakazać, što vy pieraličyli srodki na dapamohu achviaram teraktu. Mnie budzie vielmi pryjemna bačyć, jak śpis takich apieracyj budzie raści. U kamientarach da pierakładu prašu pakazvać, što hrošy pieraličanyja achviaram vybuchu ŭ mietro ad Piatra Piatroviča.

Chaj viedajuć, što my dobryja chłopcy. My ž dobryja chłopcy?»

Tutsama pryvodziacca rekvizity dabračynnych rachunkaŭ, na jakija možna pieraličvać hrošy achviaram terakta ŭ minskim mietro. Hety artykuł źjaŭlajecca samym čytanym na sajcie.

• 0
• 0
• 0
• 0
• 0
• 0
• 0
• 0