Na praciahu piaci hadoŭ u Biełarusi płanujecca na 10% źnizić lik kurcoŭ
Na praciahu piaci hadoŭ u Biełarusi płanujecca na 10% źnizić lik kurcoŭ i napałovu — tych, chto pakutuje ad pasiŭnaha kureńnia.
Pra heta paviedamiŭ namieśnik ministra achovy zdaroŭja, hałoŭny dziaržaŭny sanitarny ŭrač Biełarusi Aleh Arnautaŭ 10 maja na
Pavodle jaho słoŭ, heta praduhledžvaje kompleksny płan mierapryjemstvaŭ pa baraćbie suprać tytuniekureńnia na 2011–2015 hady, zaćvierdžany Ministerstvam achovy zdaroŭja. U miežach jaho realizacyi płanujecca ŭzmacnić miery pa prafiłaktycy kureńnia. U pryvatnaści, miarkujecca ŭnieści šerah źmienaŭ u zakanadaŭstva. Budzie vyvučacca mahčymaść pavyšeńnia akcyzaŭ na tytuniovuju pradukcyju, a taksama pravodzicca acenka efiektyŭnaści dziejańnia zakanadaŭstva pa abmiežavańni kureńnia ŭ hramadskich miescach. Mahčyma, spatrebicca ŭniasieńnie źmienaŭ u techničnyja narmatyŭnyja akty, u tym liku ŭ sanitarnyja normy i praviły, jakija abaviazvajuć subjekty haspadarańnia rabić zachady, što abmiažoŭvajuć kureńnie, adznačyŭ Arnautaŭ.
Akramia hetaha płanujecca i nadalej pašyrać lik miescaŭ, dzie zabaroniena pradavać cyharety. Siońnia da takich miescaŭ adnosiacca lačebnyja arhanizacyi, ustanovy adukacyi i šerah inšych. Narešcie, źmienicca vonkavy vyhlad upakovak cyharet, pry hetym bolšaja ŭvaha budzie nadadziena niehatyŭnaj rekłamie kureńnia. Zaraz z udziełam biełaruskich śpiecyjalistaŭ raspracoŭvajecca novy techničny rehłamient JeŭrAzES na tytuniovuju pradukcyju, skazaŭ pradstaŭnik Ministerstva achovy zdaroŭja. Pry hetym, pavodle jaho słoŭ, samaje hałoŭnaje — sfarmiravać u hramadzian unutranuju matyvacyju na admovu ad kureńnia.
Jak ličyć kiraŭnik Biełaruskaha biuro Suśvietnaj arhanizacyi achovy zdaroŭja Jahor Zajcaŭ, dla pavyšeńnia efiektyŭnaści baraćby suprać tytuniu ŭ krainie treba było b pavialičyć padatki i ceny na tytuniovyja vyraby. Nieabchodna taksama pašyrać lik hramadskich miescaŭ, dzie zabiaśpiečana «biazdymnaje asiarodździe». Akramia taho, u sistemie achovy zdaroŭja maje sens prapanavać biaspłatnyja prahramy lačeńnia dla tych, chto žadaje kinuć kuryć.
Pavodle źviestak Ministerstva achovy zdaroŭja, siońnia ŭ Biełarusi kurać 30,6% nasielnictva.
Ciapier čytajuć
Kudy ciapier jeduć vučycca biełaruskija studenty — top krain i tendencyj12
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary