Muziej historyi Minska admoviŭ arhanizataram cyrymonii ŭznaharodžańnia pieramožcaŭ konkursu «Pres-fota Biełarusi 2011» u pamiaškańni.
Litoŭskija fatohrafy ŭ znak padtrymki svaich kaleh ź Biełarusi zładzili simvaličnuju akcyju. Jany sfatahrafavalisia, schavaŭšy tvary za albomami «Pres-fota Biełarusi 2010». «My nie chavajem svaje tvary, my chočam, kab fatahrafii mieli prava “kazać”», — pišuć udzielniki supołki Belarus Pressphoto support u fejsbuku.
13 maja ŭ Minsku Vilni projduć cyrymonii ŭznaharodžvańnia pieramožcaŭ nacyjanalnych konkursaŭ pres-fatahrafii. U litoŭskaj stalicy ŭračystaści ŭžo 15 hod ładzić Kłub pres-fatahrafii Litvy. Siońnia cyrymonija projdzie ŭ haradskoj ratušy. U Biełarusi niezaležny konkurs pres-fatahrafii ładzicca druhi hod. I sioleta jaho pieramožcaŭ buduć uznaharodžvać pad adkrytym niebam. Pieršapačatkova cyrymoniju ŭznaharodžańnia pieramožcaŭ konkursu i demanstracyju rabot pieramožcaŭ płanavałasia pravieści ŭ Muziei historyi Minska. Adnak kiraŭnictva ŭstanovy, aznajomiŭšysia z pracami pieramožcaŭ, było «ździŭlena nizkim estetyčnym uzroŭniem zdymkaŭ pieramožcaŭ» i admoviła ŭ pamiaškańni. Tamu mierapryjemstva projdzie va ŭnutranym dvary fotastudyi «Źniata».
Kamientary