«Hazijantespor» — «Minsk» — 4:1.
Druhi biełaruski kłub vyleciŭ z rozyhryšu futbolnaj Lihi Jeŭropy. «Minsk» u ramkach druhoha kvalifikacyjnaha raŭnda sastupiŭ tureckamu «Hazijantepsporu».
Pieršy matč hetych kamand u stalicy Biełarusi prynios bajavuju ničyju — 1:1. Ale ŭsie cudoŭna razumieli, što ŭ Turcyi padnačalenymi Vitala Tarakanava budzie nieparaŭnalna ciažej.
Tak i atrymałasia. Pry mocnaj padtrymcy trubyn i śpiocy turki rynulisia ŭ ataku. Hoł jany zabili ŭ siaredzinie pieršaha tajma. Paśla vuhłavoha hałavoj adznačyŭsia Emre.
«Minsk» zmahaŭsia. Momantami kamanda vyhladała vielmi simpatyčna. A na61-aj chvilinie ŭvohule adradzili intryhu. Razin, jakoha turecki kamientatar nazyvaŭ uparta tolki Andrej, zrabiŭpas-cukieračku na Ziańko. Mikałaj nie pramazaŭ.
Intryha pažyła dvanaccać chvilin, kali Laśko nie spraviŭsia z dalokim udaram Vahniera. Potym byli jašče hały Popava i Ałkana. U vyniku nie zusim pryjemnyja — 4:1. Bujnoj parazy «Minsk» nie zasłuhoŭvaŭ.
Ciapier u Lizie Jeŭropy zastaŭsia tolki adzin biełaruski pradstaŭnik — «Homiel». U trecim kvalifikacyjnym raŭndzie jon sustreniecca z tureckim «Bursasporam».
Kamientary