Staršynia Jeŭraparłamienta Ježy Buziek zaklikaŭ biełaruskija ŭłady vyzvalić kaardynatara hramadzianskaj kampanii «Jeŭrapiejskaja Biełaruś» Dźmitryja Bandarenku, jaki byŭ davieranaj asobaj kandydata ŭ prezidenty na vybarach 2010 hoda Andreja Sańnikava.
«Ja zaklikaju ŭłady ŭ Minsku nieadkładna vyzvalić z turmy spadara Bandarenku i ŭsich palityčnych źniavolenych. Ich miesa — nie ŭ izalacyi, a siarod siamji i siabroŭ. Sapraŭdnyja lidary prysłuchoŭvajucca da hołasu svaich hramadzian, a dyktatary kidajuć ich u turmy», — zajaviŭ Buziek 24 lipienia ŭ efiry radyjostancyi Polskie Radio.
Pavodle słoŭ kiraŭnika Jeŭraparłamienta, u dačynieńni da Bandarenki ŭłady pavodziać siabie «ahidna i biesčałaviečna». U źniavolenaha «surjoznyja prablemy z pazvanočnikam, jon maje patrebu ŭ śpiecyjalnaj kansultacyi i reabilitacyi, kanstatavaŭ Buziek. „Dalejšaje ničym nie abhruntavanaje ŭtrymańnie pad vartaj tolki pahoršyć stan jaho zdaroŭja, i moža navat pryvieści da pastajannaj invalidnaści“, — padkreśliŭ jon.
„Spadar Bandarenka, jak i mnohija tysiačy biezymiennych hierojaŭ, zmahajecca za svabodu, demakratyju i lepšuju budučyniu dla ŭsich biełarusaŭ,— zajaviŭ Buziek. — Ich staŭleńnie vymahaje najvyšejšaha pryznańnia i rašučaj padtrymki. Jeŭraparłamient šmat hadoŭ staić na baku biełarusaŭ i padtrymlivaje ich demakratyčnyja pamknieńni. Biełarusy zasłužyli, kab u budučym ich ajčyna ŭvajšła ŭ lik svabodnych i demakratyčnych jeŭrapiejskich krain“.
Dźmitryja Bandarenku, asudžanaha na dva hady pazbaŭleńnia voli za „arhanizacyju hrupavych dziejańniaŭ, jakija parušajuć hramadski paradak, i aktyŭny ŭdzieł u ich“, pavinny apieryravać 26 lipienia ŭ
„Toje, što zaraz biełaruskija ŭłady majuć namier zrabić z kaardynataram hramadzianskaj kampanii „Jeŭrapiejskaja Biełaruś“ Dźmitryjem Bandarenkam, možna nazvać adnym słovam — katavańnie“, — havorycca ŭ zajavie hramadzianskaj kampanii „Jeŭrapiejskaja Biełaruś“. — Prymusovaja apieracyja źjaŭlajecca biezumoŭnym aktam nasilla suprać adnaho z kiraŭnikoŭ demakratyčnaj apazicyi Respubliki Biełaruś. Vyniki hetaj apieracyi niepradkazalnyja, Dźmitryju pahražaje invalidnaść. Admova ŭ niezaležnaj kansultacyi, prymusovyja terminy vielmi ciažkaj apieracyi, admova ŭ reabilitacyi — heta viartańnie da represiŭnaj palityčnaj miedycyny časoŭ Savieckaha Sajuza».
Aktyvisty «Jeŭrapiejskaj Biełarusi» zaklikali ŭsiu suśvietnuju demakratyčnuju supolnaść, palitykaŭ, dziejačaŭ kultury i navuki, usich nieabyjakavych ludziej padtrymać Dźmitryja Bandarenku. «Zaraz nieabchodna pravodzić akcyi kala biełaruskich pasolstvaŭ i konsulstvaŭ, źviartacca ŭ pravaabarončyja arhanizacyi i da ŭradaŭ demakratyčnych krain, danosić infarmacyju pra toje, što ŭ biełaruskich turmach katujuć i kalečać apanientaŭ režymu. Zaraz jak nikoli nam patrebna vaša salidarnaść», — havorycca ŭ zajavie kampanii.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary