Kiraŭnik MZS Ukrainy: Kijeŭ pakul nie bačyć realnych mahčymaściaŭ dla ŭvachodžańnia ŭ Mytny sajuz
Realnych mahčymaściaŭ dla ŭvachodžańnia Ukrainy ŭ Mytny sajuz Biełarusi, Kazachstana i Rasii na siońnia niama,zajaviŭ ministr zamiežnych spraŭ Ukrainy Kanstancin Hryščanka 5 vieraśnia ŭ Maskvie pa vynikach sustrečy z kiraŭnikom MZS RF Siarhiejem Łaŭrovym.
«My ličym, što siońnia, na žal, realnych mahčymaściaŭ dla paŭnacennaha ŭdziełu (Ukrainy) u Mytnym sajuzie nie isnuje. Chacia b z taho faktu, što Ukraina źjaŭlajecca členam Suśvietnaj handlovaj arhanizacyi, a našy try
Pavodle słoŭ ukrainskaha ministra, pieramovy pa Mytnym sajuzie viaducca nie tolki z Maskvoj. «My havorym pra našy adnosiny z hetaj strukturaj (Mytnym sajuzam), jakaja abjadnoŭvaje ŭsie try krainy. Tamu kansultacyi my viadziem nie tolki ŭ Maskvie, ale i ŭ inšych stalicach i raźličvajem na pazityŭny vynik», — skazaŭ Hryščanka.
Jon nahadaŭ, što ciapier na ŭzroŭni ekśpiertaŭ viaducca pieramovy. «Dumaju, što padčas hetych pieramoŭ arhumienty bakoŭ buduć pačutyja, i my znojdziem tuju formułu, jakaja budzie adpaviadać našym ahulnym žadańniam raźvivać adnosiny pamiž dziaržavami na asnovie stratehičnaha partniorstva», — dadaŭ ministr.
Havoračy pra pieramovy Ukrainy ź ES adnosna stvareńnia zony svabodnaha handlu, Hryščanka paviedamiŭ, što jany ŭžo vychodziać na finišnuju pramuju, i bakam zastałosia damovicca pa «nievialikim kole pytańniaŭ».
RIA Novosti nahadvaje, što Ukraina, jakaja ŭziała kurs na jeŭraintehracyju, maje namier da kanca hoda padpisać ź ES pahadnieńnie ab asacyjacyi, častkaj jakoha pavinna stać pałažeńnie ab zonie svabodnaha handlu (ZSH). Rasija z zakłapočanaściu ŭsprymaje imknieńnie Ukrainy stvaryć ZSH ź Jeŭrasajuzam i zajaŭlaje, što budzie vymušana abaraniać svaje rynki. Maskva zaprašaje Kijeŭ u Mytny sajuz, členstva ŭ jakim, u pryvatnaści, zabiaśpiečyć Ukrainie bolš nizkija ceny na haz. Tym nie mienš, Kijeŭ zajaŭlaje, što nie maje namier uvachodzić u MS, prapanujučy ŭzamien supracoŭnictva ŭ farmacie «3+1», što nie zadavalniaje Rasiju.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA46
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary