Dziciačyja dapamohi ŭ suviazi z naradžeńniem dziciaci z 1 kastryčnika ŭzraśli ŭdvaja. Heta praduhledžana ŭkazam № 416 ad 15 vieraśnia hetaha hoda.
Dniom ŭźniknieńnia prava na heta dapamohu źjaŭlajecca dzień naradžeńnia dziciaci, adznačyła ministr pracy i sacyjalnaj abarony Marjana Ščotkina.
Jana patłumačyła, što ŭ vypadku naradžeńnia dziaciej da 30 vieraśnia ŭklučna dziaržaŭnaja dapamoha pryznačajecca ŭ nastupnych pamierach: pry naradžeńni pieršaha dziciaci — 5 biudžetaŭ pražytačnaha minimumu (2 młn. 211 tys. 800 rubloŭ), pry naradžeńni druhoha i nastupnaha dziaciej — 7 biudžetaŭ pražytačnaha minimumu (3 młn. 96 tys. 520 rubloŭ).
Pry hetym, kali ŭ siamji čakajucca pieršyncy, to pry naradžeńni dvajniat pamier dapamohi vyznačajecca dyfierencyravana: na pieršaha z dvaich, jakija naradzilisia, vypłačvajecca 5 BPM, na druhoha — 7 BPM. Kali ŭ siamji ŭžo jość dzieci, to dapamoha ŭ suviazi z naradžeńniem dziciaci budzie vypłačana ŭ pamiery 7 BPM na kožnaha z narodžanych.
Na dziaciej, narodžanych z 1 kastryčnika, dapamoha budzie vypłačvacca ŭ nastupnych pamierach: pry naradžeńni pieršaha dziciaci — 10 BPM pierad dataj naradžeńnia dziciaci (da 31 kastryčnika ŭklučna — 4 młn. 423 tys. 600), pry naradžeńni druhoha i nastupnaha dziaciej — 14 BPM (da 31 kastryčnika ŭklučna — 6 młn. 193 tys. 40). Umovy i paradak vypłaty dapamohi zachoŭvajucca raniejšyja.
Akramia taho, pry naradžeńni dvajniataŭ dadatkova pakładziena adnarazovaja vypłata na nabyćcio dziciačych rečaŭ pieršaj nieabchodnaści na kožnaha ź dziaciej u pamiery dvuchrazovaj vieličyni biudžetu pražytačnaha minimumu (da 31 kastryčnika ŭklučna — 884 tys. 720). Vypłata hetaj dapamohi vyznačajecca ŭ orhanie pa pracy, zaniataści i sacyjalnaj abaronie pa miescy žycharstva.
Zaraz biudžet pražytačnaha minimumu ŭ siarednim na dušu nasielnictva składaje 442 tys. 360 rubloŭ.A z 1 listapada 2011 hoda ŭ adpaviednaści z zakanadaŭstvam pamier BPM budzie pierahledžany, padkreśliła Marjana Ščotkina.
Ciapier čytajuć
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja2
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary