Redaktar «Zhody»: Prykra, što da choru prapahandystaŭ dałučajucca i niezaležnyja vydańni
U dačynieńni da hazety «Zhoda» pačataja kryminalnaja sprava pavodle č.1 art.130 KK «Raspalvańnie rasavaj, nacyjanalnaj ci relihijnaj varažniečy». Padstava: pieradruk karykatur na praroka Muchamada. 22 lutaha ŭ redakcyi i na kvatery hałoŭnaha redaktara Alaksieja Karala prajšoŭ pieratrus. A.Karol adkazvaje na pytańni «NN».
U dačynieńni da hazety «Zhoda» pačataja kryminalnaja sprava pavodle č.1 art.130 KK «Raspalvańnie rasavaj, nacyjanalnaj ci relihijnaj varažniečy». Padstava: pieradruk karykatur na praroka Muchamada. 22 lutaha ŭ redakcyi i na kvatery hałoŭnaha redaktara Alaksieja Karala prajšoŭ pieratrus. A.Karol adkazvaje na pytańni «NN».
«Naša Niva»: Kažuć, što publikavalisia karykatury dziela pryciahnieńnia ŭvahi da hazety. Našto drukavali?
Alaksiej Karol: My drukavali karykatury nie na praroka. Adzin z malunkaŭ — vyjava baradataha mužčyny z bombaj u čałmie —byŭ nadrukavany na znak niazhody z tym, što sapraŭdnyja terarysty vykarystoŭvajuć relihijnyja pačućci viernikaŭ u svaich metach. Ale toj numar hazety vypuskaŭsia ŭ maju adsutnaść i adzinaje, što ja paśpieŭ zrabić, heta spynić raspaŭsiud. Ciapier vielmi chistki čas, kab tak padstaŭlacca. Adnačasova ź pieratrusami ŭ redakcyi, BT pakazvała pra heta repartaž, u jakim pieradumovaŭ dla raspalvańnia rasavaj i relihijnaj varažniečy było kudy bolš, čym u hazecie. U cyvilizavanym śviecie na drukavanyja vydańni nie zavodziać kryminalnyja spravy i ich nie pieraśledujuć specsłužby. Ułady skarystalisia momantam. I prykra bačyć, što da zładžanaha choru dziaržprapahandystaŭ dałučajucca niekatoryja niezaležnyja vydańni.
«NN»: «Zhodu» praz vaša siabroŭstva ŭ inicyjatyŭnaj hrupie A.Kazulina ličać orhanam Hramady. Ci možna ličyć druk karykaturaŭ aficyjnaj pazycyjaj partyi?
A.K.: «Zhoda» nikoli nie była ničyim drukavanym orhanam. Hazeta pazycyjanuje siabie jak niezaležnaje vydańnie. My miescami bolš niezaležnyja, čym «NN». Prynamsi nie addajem pieravahu kamuści adnamu z kandydataŭ.
«NN»: A.Fiaduta napisaŭ: ja nia bačyŭ karykaturaŭ, ale asudžaju ich publikacyju ŭ biełaruskich niezaležnych vydańniach. Heta, maŭlaŭ, naškodziła demakratyčnym siłam.
AK: Sapraŭdy, heta niedaravalny krok, jak na siońnia, drukavać takija malunki ź jakoj zaŭhodna metaj. Dziaržava skarystała z hetaha, kab abvinavacić usich, chto nia zhodny z uładami, a nie kahości kankretna z palitykaŭ: maŭlaŭ, fakt publikacyi karykaturaŭ śviedčyć pra padrychtoŭku da procipraŭnych dziejańniaŭ u časie vybaraŭ, destabilizacyi sytuacyi. Pa televizary poruč ź infarmacyjaj pra zaviadzieńnie suprać hazety kryminalnaj spravy pakazvajuć kadry z Serbii, Ukrainy. Ale ciapier redakcyja atrymlivaje znaki padtrymki ad zamiežnych kalehaŭ, ad arhanizacyi «Repartery biaź miežaŭ». I nichto ź ich nie paprakaje nas karykaturami.
Fota photo.bymedia.net
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary