U apošnim numary «NN» nadrukavała adrasy palitviaźniaŭ dla dopisaŭ. Sapraŭdy, lubaja padtrymka dla ich nadzvyčaj patrebnaja. Niachaj kožny dašle paštoŭku, ci list. Dobraje słova tak patrebna tym, chto zaraz za turemnymi murami ci na vysyłkach. Možna ŭjavić radaść viaźniaŭ dy razhublenaść supracoŭnikaŭ kalonij i chimij, kali da ich padnahladnych buduć nieści paštoŭki ledź nie miachami.
U apošnim numary «NN» nadrukavała adrasy palitviaźniaŭ dla dopisaŭ. Sapraŭdy, lubaja padtrymka dla ich nadzvyčaj patrebnaja. Niachaj kožny dašle paštoŭku, ci list. Dobraje słova tak patrebna tym, chto zaraz za turemnymi murami ci na vysyłkach. Možna ŭjavić radaść viaźniaŭ dy razhublenaść supracoŭnikaŭ kalonij i chimij, kali da ich padnahladnych buduć nieści paštoŭki ledź nie miachami.
Mo jość sens raspačać i inšyja akcyi padtrymki palitviaźniaŭ? Pravaabarončyja arhanizacyi mali b paspryjać vychadu specyjalnych paštovak. Dobra było b, kab niejki numar «NN» dy «Narodnaj voli» čytačy atrymali razam z układzienymi paštoŭkami, malunki da jakich zrabili mastaki. Kožny čytač zdoleŭ by zajści na poštu dy ŭkinuć tuju kartku ŭ skryniu. Pahatoŭ prykład u historyi jość —— Zachodniaja Biełaruś. Tady, paśla aryštu pasłoŭ sojmu, razyšlisia pa Kresach i śvietu paštoŭki z zdymkami aryštavanych, narabiŭšy vialikaha šumu.
Zhadvajecca i vopyt polskaj «Salidarnaści». Padčas vajskovaha stanu šmat narodu patrapiła da lahieraŭ internavanych. Kali adzin ź lahieraŭ raspačynaŭ haładoŭku, praz kolki dzion jaje padtrymlivali j u inšych lahierach dziela salidarnaści. Usio heta rabiłasia biez prymusu i namaŭleńniaŭ — kožny rabiŭ vybar sumleńnia sam. Ułady tady ničoha nie mahli zrabić z sotniami źjadnanych u adno ludziej.
Toje, što ty nie adzin, dadaje viery i nadziei ŭ ciažkuju chvilinu. I lubaja abjadnaŭčaja akcyja ciapieraka najpierš patrebna nam.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku34
Kamientary