Zdajecca, pad 19.03 ułady neŭtralizavali ŭsie krynicy destabilizacyi: ekzytpolščykaŭ, naziralnikaŭ, demakrataŭ u vybarčych kamisijach. Adnak jość jašče siejbity chaosu, jakim navat apošnija papraŭki da KK pa barabanie. Heta hrypoznyja ptuški, jakija laciać z poŭdnia. Feljeton Lolika Uškina.
Zdajecca, pad 19.03 ułady neŭtralizavali ŭsie krynicy destabilizacyi: ekzytpolščykaŭ, naziralnikaŭ, demakrataŭ u vybarčych kamisijach. Adnak jość jašče siejbity chaosu, jakim navat apošnija papraŭki da KK pa barabanie. Heta hrypoznyja ptuški, jakija laciać z poŭdnia. Feljeton Lolika Uškina.
U dyrekcyju BT i ANT
Scenarnaja zamova na film «Pralatajučy nad hniazdom buślika».
Abhruntavańnie: travieńskaja histeryja nakont «vybuchu na Čarnobyli», jaki byccam mieŭ miesca, zaśviedčyła:
A) ludzi de fakta nie daviarajuć aficyjnym medyjam. Usie ich sproby zaspakoić vyklikali jašče bolšaje padazreńnie, što ŭłady, jak i ŭ krasaviku 1986 h., chavajuć praŭdu;
B) nasielnictva zdolna stvaryć trafik antyŭradavaj infarmacyi praź Internet, čutki, SMS i h.d.
Vysnova: u vyniku prychodu ptušynaha hrypu (PH) sytuacyja moža paŭtarycca, što pastavić pad pahrozu scenar aperacyi «Elehantnaja pieramoha». Pryčym, navat kali nia budzie zafiksavany nivodny vypadak PH, usio roŭna ašalełaja ad ažyjatažu ŭ rasiejskich SMI niejkaja babka z doŭhim jazykom źviaža svaju prastudu z tym, što ŭčora źjeła jaječniu.
Uładam u takoj sytuacyi lahična nie paŭtarać pamyłak, a prypisać srodkami prapahandy, kštałtu dakumentalnych filmaŭ, pošaść PH apazycyi.
Rabočy scenar filmu.
Palot busła. Hołas za kadram: «Inšaja nazva Biełarusi — kraina pad biełymi kryłami. Mahčyma, nievypadkova cyničnyja vorahi vyrašyli sarvać plany ŭsiebiełaruskaha schodu kryłami i łapkami jaje spradviečnaha symbalu».
Tryvožnaja muzyka.
Scena: marš nacystaŭ. Hołas za kadram: «Usłuchajciesia, što jany skandujuć — «chaj hryp! chaj hryp!». Jašče tady vorahi słavianstva nie chavali svaich planaŭ, i naturalna, dapamahali im u hetym nacyjanalisty — prodki sučasnych apazycyjaneraŭ».
Tryvožnaja muzyka.
Scena: śpina. Z-za jaje hołas: «ja — dvorničycha ŭ parku Horkaha, niejak da mianie padyšoŭ inšaziemiec i za hrošy prapanavaŭ pakarmić kačak u Śvisłačy niejkimi kroškami. Ja vyrašyła, što heta čoknuty naturalist. Na nastupnym randevu dyplamat saznaŭsia, što pracuje na polskuju dyfenzyvu, i prapanavaŭ raźvieści tyja hrypoznyja kroški pa staličnych śmietnikach, dzie šmat hruhanoŭ. Ja — patryjotka, naturalna, usio raspaviała KDB».
Tryvožnaja muzyka.
Scena: mašyna, što zajaždžaje ŭ bramu pasolstva Čechii. Supracoŭniki pasolstva niešta vyhružajuć.
Hołas za kadram: «Dumajecie, jany vyhružajuć picu? Nie, u hetych karobkach sojki, jakim pryščapili chvarobu ŭ sakretnych labaratoryjach CRU».
Scena: sojka. Abjektyŭ idzie na kołca, što na jaje łapcy. Nadpis na kołcy: «infected in the USA».
Vystup pradstaŭnika MZS ab departacyi ŭsich českich sojek jak parušalnikaŭ dyplamatyčnaha statusu.
Aptymistyčnaja muzyka. Krajavidy.
Hołas za kadram: «Ciapier vy viedajecie, adkul u Biełaruś trapiŭ śmiertanosny virus, adnak viedajecie taksama, što treba rabić — iści i hałasavać...
Kadar «Za Biełaruś!».
Kaniec.
Scenaryst Ł.Uškin.
Kamientary