Ministerstva infarmacyi na prapanovu TBM ab terminovym vydańni dziaržavaj naściennych biełaruskamoŭnych kalendaroŭ z vyjavaj klasykaŭ biełaruskaj litaratury: «na ŭmovach zamovy z abaviazkovym vykupam nakładu».
Ministerstva infarmacyi adkazała hramadzkamu abjadnańniu «Tavarystva biełaruskaj movy imia Franciška Skaryny» (TBM) na prapanovu ab terminovym vydańni dziaržavaj naściennych biełaruskamoŭnych kalendaroŭ z vyjavaj klasykaŭ biełaruskaj litaratury.
U liście za podpisam namieśnika ministra infarmacyi Ihara Łapcionka havorycca, što paradak vypusku vydańniaŭ z pryciahnieńniem biudžetnych srodkaŭ «stroha rehlamentavany i vydzialeńnie subsydyjaŭ na vypusk kalendaroŭ pa zamovach i dziela patrebaŭ arhanizacyjaŭ, ustanovaŭ, hramadzkich abjadnańniaŭ nie praduhledžanaje». Razam z tym, jak zaznačajecca ŭ liście, nie vyklučajecca mahčymaść vypusku naściennych biełaruskamoŭnych kalendaroŭ «na ŭmovach zamovy z abaviazkovym vykupam nakładu».
U interviju ahienctvu BiełaPAN staršynia TBM Aleh Trusaŭ nazvaŭ adkaz ministerstva «prajavaju antynacyjanalnaj palityki i ździekam nad ludźmi». Pavodle Trusava, adnoj z zadačaŭ dziaržavy ŭ hod jubileju narodnych paetaŭ Biełarusi jakraz i źjaŭlajecca vypusk takoj pradukcyi z apłataj adpaviednaj zamovy.
Na dumku staršyni TBM, dziaržava robić «vialikuju pamyłku», nie vypuskajučy pierakidnyja dy naściennyja kalandary na biełaruskaj movie. Jon miarkuje, što biudžetnyja vydatki akupilisia b poŭnaściu, bo biełaruskamoŭnyja kalandary karystajucca vialikim popytam u hramadztvie.
— Z‑za taho, što TBM nia maje srodkaŭ na vypusk takich vydańniaŭ, abjadnańnie budzie praciahvać tradycyju vydańnia biełaruskamoŭnych pamiatnych kalandarykaŭ, pryśviečanych znamianalnym datam ajčynnaj historyi i kultury, — kaža Trusaŭ. — U pryvatnaści, abjadnańnie rychtuje vypusk kalandarykaŭ, pryśviečanych 120‑hodździu Alesia Haruna i 90‑hodździu Janki Bryla.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary