Avijakampanii Rasii i Biełarusi da 10 maja pradoŭžać paloty ŭ raniejšym režymie

Avijakampanii Rasii i Biełarusi da 10 maja 2012 hoda pradoŭžać vykonvać paloty ŭ miežach letniaha raskładu zhodna z padadzienymi zajaŭkami. Pra heta havorycca ŭ paviedamleńni pres-słužby Ministerstva transpartu Rasijskaj Fiederacyi pa vynikach sustrečy, što adbyłasia 29 sakavika ŭ Maskvie.

U pieramovach uziaŭ udzieł hienieralny sakratar Sajuznaj dziaržavy Rasii i Biełarusi Ryhor Rapota. Rasijskuju delehacyju ŭznačalvaŭ namieśnik ministra transpartu RF Valeryj Akułaŭ, biełaruskuju — dyrektar departamienta pa avijacyi Ministerstva transpartu i kamunikacyj Biełarusi Vadzim Mielnik.

Pavodle infarmacyi Mintransa RF, rasijskim bokam było prapanavana vyklučyć z dvuchbakovych damoŭlenaściaŭ abmiežavańni pa kolkaści pryznačanych avijapradpryjemstvaŭ, pa častotach vykanańnia palotaŭ na avijalinijach i pa pravaznych jomistaściach. Taksama rasijskaja delehacyja prapanavała biełaruskamu boku ŭnieści źmianieńnie ŭ dadatak da pahadnieńnia ab pavietranych znosinach u častcy źniaćcia abmiežavańniaŭ pa vybary punktaŭ na terytoryi Rasii dla ekspłuatacyi biełaruskimi pryznačanymi avijakampanijami.

«Pa vynikach sustrečy paćvierdžanyja pryznačanym avijakampanijam abodvuch bakoŭ prahramy palotaŭ pamiž punktami Rasii i Biełarusi da 10 maja 2012 hoda, vyrašana ŭ samy karotki termin dapracavać redakcyju pahadnieńnia ab pavietranych znosinach i ŭzhadnić umovy dalejšaj ekspłuatacyi pryznačanymi avijapradpryjemstvami bakoŭ damoŭnych linij z vykanańniem intaresaŭ pasažyraŭ», — pieradaje pres-słužba Mintransa Rasii.

***

Nahadajem, ranicaj 26 sakavika avijaznosiny pamiž Minskam i Maskvoj byli spynienyja.

U vyniku telefonnych kansultacyj u paniadziełak baki damovilisia adnavić avijarejsy pa maršrucie Minsk — Maskva da 29 sakavika i pravieści ŭ čaćvier pieramovy.

Ministerstva transpartu RF miarkuje, što pahadnieńnie ab pavietranych znosinach pamiž Rasijaj i Biełaruśsiu nie adpaviadaje pahadnieńniu ab ahulnaekanamičnaj prastory i nie adpaviadaje normam Mytnaha sajuza, paviedamiŭ 27 sakavika žurnalistam namieśnik ministra Valeryj Akułaŭ.

U svaju čarhu hiendyrektar «Biełavija» Anatol Husaraŭ taksama 27 sakavika zajaviŭ: biełaruski bok ličyć nieprymalnymi ŭmovy, što dyktujucca Rasijaj. «Ličym, što niečakanaje adklikańnie Rasavijacyjaj raniej vydadzienaha dazvołu, jakoje pryviało da spynieńnia rehularnych pavietranych znosinaŭ pamiž dźviuma stalicami, było spravakavana AAT „Aerafłot“ z metaj atrymańnia pieravahi na biełaruskim rynku avijapieravozak, — padkreśliŭ jon. — My hatovyja da kankurencyi, i heta paćviardžaje prysutnaść na biełaruskim avijarynku značnaj kolkaści mižnarodnych avijakampanij. Adnak umovy, jakija dyktujucca nam rasijskim bokam, nieprymalnyja, tamu što pieradusim farmirujuć na rynku niezdarovuju kankurencyju, jakaja vyciaśniaje inšych udzielnikaŭ rynku i ŭ kančatokvym vyniku adabjecca na intaresach pasažyraŭ».

• 0
• 0
• 0
• 0
• 0
• 0