“Ałmaz” vs. Tałaš
Na pačatku minułaha tydnia ŭ Biełarusi źjaviŭsia novy kiraŭnik MUS. Piatym za 6 hadoŭ kiraŭnikom siłavoha viedamstva staŭ były kiraŭnik słužby biaśpieki Łukašenki, a raniej – specadździełu MUS “Ałmaz” Uładzimier Navumaŭ.
Pryznačajučy, Łukašenka skazaŭ pra Navumava, što heta — “całkam moj čałaviek”. Čamu ŭsio-tki nia Ŭdovikaŭ, i čym Navumaŭ zasłužyŭ taki absalutny davier?
Pry kancy 1998 h. biełaruskaja presa i rasiejskija ŚMI dvojčy pisali ab stvareńni ŭ nietrach MUS Biełarusi niejkaha zvyšsakretnaha adździełu “pa baraćbie z teraryzmam i narkadziałkami ŭva ŭmovach lasista-bałotnaj miascovaści”. Inšymi słovami, pa baraćbie z partyzanami. Zhodna ź infarmacyjaj ź inšych krynicaŭ, struktura hetaja mieła zajmacca adsočvańniem suviaziaŭ hieneralitetu biełaruskaha vojska i vysokapastaŭlenych dziaržčynoŭnikaŭ i akcyjami zapałochvańnia. Ačolvaŭ novuju strukturu niejki pałkoŭnik pa mianušcy “najomnik”. U składzie hrupy było kala 200 čałaviek, vyklučna aficery. Rasiejskija medyi paviedamlali, što zmahacca “ŭ lasnoj i bałocistaj miascovaści” ich navučali na rasiejskich bazach rasiejskija specyjalisty. Ci nie Navumaŭ uznačalvaŭ tuju sakretnuju hrupu, asnoŭnaj zadačaj jakoj mieła stać achova cełaści rasiejskich hazapravodaŭ u vyniku ŭźniknieńnia “składanaściaŭ” u Biełarusi?
Ci źviazanaja kolišniaja słužbovaja dziejnaść hienerał-majora Navumava z padobnymi strukturami, adkazać nielha.
Jak by tam ni było, Łukašenka ŭ čarhovy raz prademanstravaŭ hetym pryznačeńniem, što jon pa-raniejšamu nie daviaraje “miantam”. I što jon baicca zmahańnia ŭva ŭmovach “lasista-bałocistaj miascovaści”.
Z.H.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy40
Kamientary