Сталі вядомыя падрабязнасці інцыдэнту, які адбыўся днём 23 кастрычніка ў краме ў падземным пераходзе каля ўнівермага «Беларусь» на Партызанскім праспекце ў Мінску. Учора ГУУС Мінгарвыканкама паведамляла аб тым, што нейкі мужчына пагражаў дзвюм жанчынам разбітай бутэлькай.
Як паведаміў начальнік аддзела пракуратуры Мінска Алег Кандарэвіч, насамрэч адбыўся захоп закладніка. Пракуратура санкцыянавала ўзяцце пад варту мужчыны 25 гадоў, раней судзімага за вымаганне і заведама падманнае паведамленне аб рыхтаваным выбуху. У дачыненні да яго распачата справа па частцы 1 артыкула 291 КК (захоп закладніка). Заканадаўствам за гэта прадугледжана пазбаўленне волі ад 5 да 10 гадоў.
Кандарэвіч расказаў, што, будучы ў краме, мужчына прыставіў да горла прадаўшчыцы «ружачку», сам выклікаў міліцыю і запатрабаваў адпусціць яго брата з СІЗА № 1. У адваротным выпадку ён пагражаў забіць жанчыну. На месца надзвычайнага здарэння выязджаў начальнік ГУУС Мінгарвыканкама Аляксандр Барсукоў, які вёў са злачынцам, што захапіў закладніка, перамовы. У пэўны момант мужчыну ўдалося абясшкодзіць без прымянення зброі. Жанчыне сур'ёзных пашкоджанняў не нанесена.
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары