Былы палкоўнік ГРУ Сяргей Скрыпаль, які ў сакавіку разам з дачкой быў атручаны нервова-паралітычным рэчывам «Навічок», не паверыў у датычнасць да гэтага Масквы. Пра гэта ў кнізе «Справа Скрыпаля» напісаў журналіст «Бі-бі-сі» Марк Урбан, перадае The Guardian.
Рэпарцёр, які асабіста кантактаваў са Скрыпалём, зазначае, што той, выйшаўшы з комы, адмовіўся верыць, што да замаху на забойства яго самога і яго дачкі мае дачыненне Крэмль.
Былы супрацоўнік расійскіх спецслужбаў, нягледзячы на тое, што перадаваў інфармацыю брытанскай разведцы, адкрыта выказваў свае нацыяналістычныя погляды, піша Урбан.
У прыватнасці, ён падтрымліваў вяртанне Крыма ў склад Расіі і не верыў у прысутнасць расійскіх вайскоўцаў на ўсходзе Украіны. Як адзначае Урбан, у доме, набытым для яго MI6, ён часта праводзіў вечары за праглядам «Першага канала».
Кніга не дае адказу на пытанне, навошта расійскія спецслужбы (па версіі брытанскага сьледзтва) спрабавалі забіць Скрыпаля.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве41
Каментары