У РНПЦ траўматалогіі і артапедыі расказалі пра самыя складаныя аперацыі — некаторыя доўжацца да 11 гадзін
У цэнтры праводзіцца каля 25—30 аперацый штодня.
Дырэктар РНПЦ траўматалогіі і артапедыі Міхаіл Герасіменка расказаў пра складаныя аперацыі, якія праводзяцца ў цэнтры.
«У цэнтры праводзіцца каля 25—30 аперацый штодня. У асноўным гэта аперацыі самага высокага ўзроўню складанасці. Для параўнання магу сказаць, што адна аперацыя пры скаліятычнай дэфармацыі пазваночніка можа доўжыцца да 11 гадзін. Аперацыі пры цяжкіх траўмах таза, касцей, канечнасцяў таксама могуць доўжыцца 5—6 гадзін», — расказаў Герасіменка ў эфіры СТБ.
Сам ён спецыялізуецца на паталогіі каленнага сустава. Гэта артраскапічнае лячэнне, пратэзаванне каленнага сустава. «Вядома, не так часта даводзіцца цяпер хадзіць у аперацыйную, як у маладосці, калі я працаваў звычайным доктарам у аддзяленні і выконваў 2—3 аперацыі ў дзень. Цяпер я стараюся некалькі разоў на тыдзень выйсці ў аперацыйную, папрацаваць», — падзяліўся дырэктар РНПЦ.
У Беларусі ў 2025 годзе выканалі больш за 19,5 тысячы аперацый па замене суставаў.
«Калі яшчэ 2‑3 гады таму час чакання аперацыі складаў 3‑5 гадоў (у залежнасці ад рэгіёна), то цяпер ад 1 месяца да 5 месяцаў. У сярэднім па краіне — каля 3 месяцаў».
Каля 33% усіх эндапратэзаў, якія імплантуюцца ў краіне, беларускай вытворчасці.
«Я думаю, што на працягу 2‑3 гадоў мы выйдзем на абсалютную большасць айчынных эндапратэзаў, якія будуць імплантавацца ў нашай краіне. Але гэта не на шкоду якасці. Нашы айчынныя эндапратэзы абсалютна не саступаюць па якасці імпартным», — запэўніў дырэктар РНПЦ.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары4
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары