Пра зладзейскі ўчынак у пад'ездзе дома па Віленскай у Маладзечне паведаміў сам пацярпелы. Мужчына распавёў, што яго знаёмы наўмысна падпаліў ўваходныя дзверы кватэры.
Узгаранне ўладальніку кватэры ўдалося адразу патушыць. З дзвюх уваходных дзвярэй пацярпелі драўляныя, усярэдзіне жылля. Матэрыяльны ўрон склаў 200 рублёў.
Высветлілі асобу падазраванага ў падпале. Ім аказаўся 41-гадовы маладзечанец, які пражывае на другім паверсе гэтага дома.
Напярэдадні ён спусціўся да свайго 51-гадовага знаёмага на першы паверх, каб пагаварыць пра жыццё — ім падабаецца адна і тая ж жанчына.
Размова не адбылася — няпрошанаму госцю адмовіліся адчыніць дзверы. Пакрыўджаны ён сышоў, але неўзабаве вярнуўся з балончыкам і запальнічкай у руках.
Мужчына вырашыў пакараць гаспадара за такі прыём. Самаробны «агнямёт» з аэразольнага балончыка і запальнічкі ён паднёс да ўваходных дзвярэй — адбылося ўзгаранне.
Гаспадар кватэры сваімі сіламі патушыў агонь. Тым не менш, кватэра аказалася задымленай.
Пасля здарэння падпальшчык вярнуўся ў сваю кватэру. Праваахоўнікам дзверы не адчыняў, нібыта яго няма дома.
На момант затрымання фігурант быў нецвярозы. Ва ўчынку прызнаўся.
Цяпер мужчыне пагражае да дзесяці гадоў пазбаўлення волі.
Цяпер чытаюць
Анжаліка Мельнікава пасля знікнення набыла дзве кватэры ў Мінску65
Каментары