Адзін з асуджаных да пажыццёвага тэрміну па справе аб тэракце ў «Крокусе» здзейсніў суіцыд, паведамляе выданне РБК са спасылкай на Галоўнае ўпраўленне Федэральнай службы выканання пакаранняў па горадзе Маскве.
«На месцы былі праведзеныя рэанімацыйныя дзеянні, якія не далі вынікаў. На гэты момант праводзіцца праверка, сёння будуць вынікі», — гаворыцца ў паведамленні.
Паводле даных тэлеграм-канала Shot, самазабойца — 37‑гадовы Юсуфзада Якубджані.
Спробу самагубства ён нібыта зрабіў уначы ў сталічным СІЗА «Матроская цішыня». Дактары даставілі мужчыну ў бальніцу, дзе рэанімавалі некалькі гадзін, але ў выніку ён памёр.
Якубджані разам з яшчэ 10 асобамі атрымаў пажыццёвы тэрмін як памагаты чатырох непасрэчных выканаўцаў тэракту. Ён пераводзіў грошы на аплату жылля выканаўцам.
Прысуд па справе тэракту ў маскоўскім забаўляльным цэнтры «Крокус» быў вынесены 12 сакавіка. 15 чалавек атрымалі пажыццёвыя тэрміны. Сярод іх не толькі забойцы, але і тыя, хто дапамагаў з грашыма, жыллём і транспартам. Прысуд выклікаў абурэнне ў пацярпелых, якія лічаць яго занадта мяккім праз тэарэтычную магчымасць умоўна-датэрміновага вызвалення ў будучыні. Адвакаты ахвяр нават прапаноўвалі прыпыніць для такіх выпадкаў мараторый на смяротнае пакаранне.
Напад на «Крокус Сіці Хол» пад Масквой адбыўся 22 сакавіка 2024 года. Узброеныя нападнікі ўварваліся ў залу перад канцэртам гурта «Пікнік», адкрылі агонь па людзях і падпалілі будынак. У выніку загінуў 151 чалавек, яшчэ адзін лічыцца зніклым без вестак, а больш за 600 атрымалі раненні.
Следства ўстанавіла, што напад арганізавалі члены забароненай у Расіі тэрарыстычнай групоўкі «Вілаят Харасан» разам з саўдзельнікамі. Частка з іх прайшла падрыхтоўку за мяжой, іншыя знаходзіліся на тэрыторыі Расіі і займаліся пошукам зброі, яе пераробкай і дастаўкай. Частку ўзбраення прывезлі спачатку ў дагестанскі Каспійск, а перад нападам — у Маскву.
Дэпутатка, якая рыхтуе прыгажунь для Лукашэнкі, выйшла замуж23
Каментары