МЗС зрабіла заяву наконт блакавання на YouTube акаўнтаў праўладных СМІ
«Звяртае на сябе ўвагу абуральная цішыня міжнародных структур», — гаворыцца ў заяве ведамства.
Міністэрства замежных спраў зрабіла заяву наконт блакавання на YouTube акаўнтаў праўладных СМІ.
«Гэтыя медыя з’яўляюцца асновай інфармацыйнага суверэнітэту краіны і маюць шматмільённую аўдыторыю як унутры Беларусі, так і за яе межамі», — гаворыцца ў заяве.
«Сваім рашэннем YouTube фактычна заблакаваў доступ мільёнаў грамадзян і суайчыннікаў за мяжой да легітымнага, афіцыйнага кантэнту. Гэта грубае парушэнне артыкула 19 Міжнароднага пакта аб грамадзянскіх і палітычных правах ААН і базавых прынцыпаў АБСЕ ў галіне свабоды СМІ.
Звяртае на сябе ўвагу абуральная цішыня міжнародных структур.Тыя з іх, якія традыцыйна аператыўна і гучна заяўляюць пра любыя, нават самыя спрэчныя, выпадкі «абмежавання свабоды слова» ў непажаданых для іх краінах, на гэты раз дэманстратыўна маўчаць. Гэта — класічны прыклад заходніх двайных стандартаў: правы чалавека маюць значэнне толькі тады, калі гаворка ідзе пра зручнае для Захаду меркаванне», — гаворыцца ў заяве.
МЗС кажа, што беларускі бок дэталёва вывучае ўсе абставіны і пакідае за сабой права адрэагаваць адпаведным чынам — «усімі даступнымі сродкамі ў рамках нацыянальнага заканадаўства і міжнароднага права».
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў88
Каментары