Расія і Беларусь абмяркоўваюць магчымасць стварэння адзінай валюты ў рамках саюзнага дагавора. Гэта стане магчымым ва ўмовах стварэння адзінай эканамічнай прасторы, заявіў журналістам кіраўнік Мінэканамразвіцця Расіі Максім Арэшкін па выніках сустрэчы з беларускім калегам Дзмітрыем Крутым, піша ТАСС.
«Вы казалі пра адзіную валюту — так, гэты пункт запісаны ў Саюзным дагаворы, таму гэта абмяркоўваецца, сустракаюцца цэнтральныя банкі, абмяркоўваюць, варта ці не варта гэта рабіць, як гэта рабіць, у якія тэрміны гэта рабіць», — сказаў Арэшкін.
Міністр эканомікі Беларусі Дзмітрый Круты адзначыў, што ў рамках праграмы паглыблення інтэграцыі дзвюх краін нельга вырываць з кантэксту адзін пункт: «У самым саюзным дагаворы напісана, што ва ўмовах стварэння адзінай эканамічнай прасторы па ўсіх напрамках ужо фіналам становіцца адзіная валюта. Таму, напэўна, гэтай канструкцыі мы будзем прытрымлівацца».
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары