Расійскі пасол пра «вагнераўцаў»: Прэтэнзіі да іх бачацца неабгрунтаванымі і надуманымі, выклікаюць здзіўленне
Расія настойвае на больш хуткім вызваленні затрыманых у Беларусі расійскіх грамадзян, а таксама на цесным узаемадзеянні з беларускімі праваахоўнымі органамі і адвакатамі па справе. Пра гэта паведаміў у суботу журналістам амбасадар РФ у Беларусі Дзмітрый Мезенцаў, піша tass.ru.
«Мы настойваем на найхутчэйшым вызваленні нашых грамадзян і шчыльным узаемадзеянні з праваахоўнымі органамі Беларусі і адвакатамі», — адзначыў кіраўнік расійскай дыпмісіі.
«Прэтэнзіі і дваякія трактоўкі прычын знаходжання нашых грамадзян на тэрыторыі Рэспублікі Беларусь бачацца неабгрунтаванымі і надуманымі, выклікаюць крайняе здзіўленне», — падкрэсліў Мезенцаў. «Фактаў, якія дазваляюць лічыць, што гэтыя людзі былі гатовыя да парушэння грамадскага парадку, няма. Пакуль беларускім бокам яны не прад'яўленыя», — сказаў дыпламат.
Ён праінфармаваў, што сустрэча консульскіх супрацоўнікаў з затрыманымі грамадзянамі працягвалася ад 22:00 пятніцы да 05:00 суботы. Мезенцаў заявіў, што прадстаўнікі амбасады «задалі ўсе пытанні, якія абавязаныя былі задаць». «Гэта пытанні адносна мэтаў прыезду ў Рэспубліку Беларусь, планаў далейшага перамяшчэння, умоў утрымання і тых дакументаў, якія былі прадстаўленыя кожнаму затрыманаму», — удакладніў расійскі пасол.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?33
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары