Пасол Беларусі ў Францыі Ігар Фісенка даў эпічнае інтэв’ю выданню Initiative Communiste («Камуністычная ініцыятыва»). Інтэрв’ю адбылося ў рамках сустрэчы з актывам арганізацыі Pôle de Reconnaissance Communiste en France (Полюс камуністычнай разведкі ў Францыі).
Варта адзначыць, што пасольства ў Францыі было адным з нешматлікіх у Еўропе прадстаўніцтваў Беларусі, дзе пераможцам абвесцілі Лукашэнку, а не Ціханоўскую.
Прапануем некалькі цытат з інтэрв’ю Фісенкі:
Ігар Фісенка
- Любая рэвалюцыя непазбежна выклікае глыбокі крызіс у краіне, дэградацыю сацыяльных інстытутаў, эканамічную дэпрэсію і беспарадкі.
- Апошнія гады сітуацыя ў Беларусі была стабільная. Назіраецца пастаянны рост эканомікі і дабрабыту грамадзян. Аляксандр Лукашэнка перамог на выбарах, набраўшы 80% галасоў. Усе, хто галасаваў за яго, падтрымалі стабільнасць і ўстойлівае развіццё нашай краіны.
- Натуральна, што спробы знешніх сіл узварушыць сітуацыю ў краіне не мелі плёну. У цяперашні час так званыя «пратэсты» страцілі масавы характар і прымаюць форму карнавала, падобнага да Маршу жанчын з белым і чырвоным парасонамі.
- Беларускія ўлады даказалі факты, што акцыі пратэсту ў Беларусі старанна планаваліся, рыхтаваліся, каардынаваліся, у тым ліку праз замежныя сацыяльныя сеткі. Напрыклад, Telegram-канал «Нехта», дзейнасць якога, паводле звестак некаторых СМІ, каардынуе Цэнтральная група псіхалагічнага дзеяння ўзброеных сіл Польшчы (Centralna Grupa Dzialan Psychologicznych).
- У цяперашні час Беларусі з-за мяжы навязваюць ідэю стварэння «паралельнай дзяржавы».
- Улада ў Беларусі застаецца стабільнай, нават калі камусьці гэта не падабаецца.
- Аляксандр Лукашэнка, які прыйшоў да ўлады на выбарах 1994 года і да гэтага часу застаецца прэзідэнтам Беларусі, фактычна стварыў краіну.
- Ад жніўня на пасольства Беларусі было нанесеныя чатыры акты агрэсіі. Найбольш сур'ёзныя і небяспечныя дзеянні былі здзейсненыя прыхільнікамі анархісцкага руху. Ноччу невядомыя кінулі ў будынак пасольства бутэлькі з чырвонай, зялёнай і сіняй фарбай. Моцна пашкоджаны фасад будынка, вокны, машына місіі. 11 верасня прыхільнікі радыкальнага руху Femen напалі на будынак беларускай амбасады, праніклі на яго тэрыторыю і ўстанавілі розныя прадметы. Калі б гэта адбылося ў Беларусі, гэты факт атрымаў бы самую пільную ўвагу з боку ўладаў, каб інцыдэнты не паўтараліся.
Каментары