У МЗС Украіны назвалі «глупствам» і «заезджанай мантрай» сцвярджэнні КДБ Беларусі аб завезенай зброі
Пра гэта паведаміў прэс-сакратар Міністэрства замежных спраў Украіны Алег Нікаленка.
«Поўнае глупства, што ўжо не першы раз гучыць з вуснаў беларускіх чыноўнікаў. Катэгарычна не прымаем заезджаную мантру пра «зброю з Украіны». Улады ў Беларусі павінны нарэшце спыніць палохаць беларускі народ надуманым вонкавым ворагам», — падкрэсліў прэс-сакратар МЗС Украіны.
9 сакавіка старшыня КДБ Беларусі Іван Церцель заявіў, што з «тэрыторыі нашых суседзяў, як правіла, сумежных дзяржаў» вялікімі партыямі дастаўляецца зброя для наступнага выкарыстання з мэтай дэстабілізацыі сітуацыі.
Каментары