77 гадоў таму, 1 жніўня 1944 года, па загадзе галоўнакамандуючага Арміяй Краёвай генерала Тадэвуша «Бора» Камароўскага ўспыхнула Варшаўскае паўстанне.
У 17.00 прабіла гадзіну W. Паўстанцы пачалі гераічную барацьбу з сіламі нямецкіх акупантаў, якія шмат іх пераўзыходзілі.
Пасля 63 дзён баёў, у ноч з 2 на 3 кастрычніка, каля 2-й гадзіны ночы, у Ажаруве-Мазавецкім быў падпісаны акт аб капітуляцыі паўстанцаў.
Падчас баёў загінула ад 16 000 да 18 000 паўстанцаў. Амаль 25 000 чалавек атрымалі раненні. Страты сярод мірнага насельніцтва склалі каля 180 тысяч чалавек.
У нядзелю асноўныя памятныя мерапрыемствы прайшлі на Вайсковых могілках на Павонзках ля помніка Gloria Victis, паведамляе «Радыё Польшча».
Прэзідэнт Польшчы Анджэй Дуда ўсклаў кветкі да мемарыяльнай дошкі ў варшаўскім раёне Воля, прысвечанай палякам, забітым падчас паўстання.
У гадавіну пачатку Варшаўскага паўстання дыпламатычныя прадстаўніцтвы Германіі ў Польшчы прыспусцілі сцягі ў знак глыбокага смутку і сораму.
Цяпер чытаюць
Сцяпан Пуціла: Мяне спрабавалі выкрасці з дапамогай пасольства Беларусі ў Варшаве15
Каментары