Прэм'ер-міністр Польшчы: Патрэбны план аднаўлення Украіны на сто мільярдаў еўра за кошт ЕС
Прэм’ер-міністар Польшчы Матэвуш Маравецкі заявіў, што ЕС павінен распрацаваць план аднаўлення Украіны пасля вайны на сто мільярдаў еўра за кошт Еўрасаюзу. Ён таксама заклікаў увесці эмбарга на расійскія энерганосбіты. Пра гэта паведамляе «Еўрапейская праўда» са спасылкай на PAP.
Паводле Маравецкага, украінцы павінны бачыць надзею на будучыню.
«Нам патрэбны план рэканструкцыі, пра які я гаварыў з прэзідэнтам Еўракамісіі. Напрыклад, сто мільярдаў еўра, якія фінансуе Еўрасаюз, каб у бліжэйшыя гады разбураная інфраструктура, разбураныя школы, бальніцы, разбамбаванае жыллё можна было аднавіць», — сказаў польскі прэмʼер-міністр.
Ён адзначыў, што для Украіны вельмі важна падрыхтаваць інвестыцыйны пакет, бо эканоміцы патрэбныя новыя інвестыцыі, новыя працоўныя месцы.
На думку польскага прэмʼер-міністра, энергетычная бяспека павінна стаць яшчэ адным элементам пасляваеннай рэканструкцыі Украіны.
«Калі б вайна скончылася раней і прывяла да таго, што наша частка Еўропы канчаткова стала незалежнай ад расійскіх газу, нафты і вугалю. Гэта неабходная ўмова міру ў рэгіёне ў доўгатэрміновай перспектыве», — сказаў Маравецкі.
Цяпер чытаюць
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі22
Каментары