Кулеба пра вываз украінскага збожжа праз Беларусь: Нікому не хацелася мець справы з Мінскам
Міністр замежных спраў Украіны Дзмітрый Кулеба ў інтэрв'ю «Форбс Украіна» расказаў, ці разглядаўся варыянт вывазу праз Беларусь украінскага збожжа.
«Ва Украіну з Беларусі ляцяць ракеты. Беларускі маршрут разглядаўся намі і саюзнікамі выключна як шлях апошняй надзеі, калі нішто іншае не спрацуе. Нікому не хацелася супрацоўнічаць з Мінскам, які з'яўляецца саўдзельнікам агрэсіі, ні па якіх гандлёвых пытаннях. Але вельмі добра папрацавалі лагісты і прыватныя інвестары (трэйдары па сутнасці) у плане пашырэння магчымасцяў наземных шляхоў праз краіны ЕС, пайшоў прагрэс у перамовах па марскім шляху, таму варыянт аварыйнага беларускага шляху больш не на парадку дня».
Кулеба дадаў, што Беларусь з'яўляецца саўдзельніцай агрэсіі, ніхто не ставіць гэтае пытанне пад сумнеў.
«Дыпламатычныя адносіны з Расійскай Федэрацыяй мы разарвалі адразу пасля пачатку поўнамаштабнага нападу. Таксама яны будуць разарваныя з Беларуссю, калі ўзброеныя сілы Рэспублікі Беларусь перасякуць мяжу Украіны», — сказаў Кулеба.
Каментары