Як у Баранавічах рыхтуюць да працы кітайскія цяжкавозы
Новыя звышмагутныя электравозы Датунскага завода ўводзяць у эксплуатацыю спецыялісты з Кітая.
Інжынеры і слесары Датунскага лакаматыўнага завода будуць працаваць у нас на працягу трох гадоў, пакуль электравозы абслугоўваюцца па гарантыі.
У лакаматыўным дэпо Баранавічаў «IP» распавялі, што
новы электравоз хутчэй «грамадзянін свету», чым кітаец. Галоўныя вузлы зробленыя знакамітымі фірмамі — канадскай Bombardier, нямецкай Knorr-Bremze і французскай Alstom. Кітайскія кампаненты — гэта галоўным чынам кабіна і кузаў.
Кітайскі грузавы лакаматыў БКГ-1 на 10 км/г хутчэйшы і ў паўтара раза больш магутны, чым асноўны электравоз нашых магістраляў ВЛ-80c.
Важыць двухсекцыйны электравоз 200 тон, агульная магутнасць сілавой устаноўкі — 9600 кілават. Гэта магутнасць 130 рухавікоў сярэдняй легкавушкі. Максімальная канструктыўная хуткасць электравоза — 120 км/г.
Замест жалезных ручак і рычагоў ў кабіне — джойсцікі. Крэсла машыніста нагадвае офіснае.
На электравозе ўсталяваны вялізны бартавы камп’ютар, інфармацыя з якога выводзіцца на сэнсарны экран.
Пра камфорт экіпажа паклапаціліся добра: на борце ёсць не толькі біяпрыбіральня, але і халадзільнік, электрачайнік, мікрахвалёўка.
У 2012 шэсць электравозаў БКГ-1 ужо прыбылі ў лакаматыўнае дэпо Баранавічаў. Два з іх ужо выкарыстоўваюцца. Усяго паводле падпісанага кантракту будзе пастаўлена 12 такіх лакаматываў, а да 2015 года іх павінна стаць 30. Акрамя таго, на працягу 2011—2015 гг чыгункі плануе купіць 24 пасажырскіх электравозаў і 29 электрацягнікоў.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары