Рэспубліканскае грамадскае аб’яднанне «Перспектыва» выступае супраць павелічэння адзінага падатку для ІП.Як паведаміў БелаПАН старшыня рады грамадскай арганізацыі Анатоль Шумчанка, адпаведны зварот адпраўлены ў Адміністрацыю прэзідэнта і ў Камітэт дзяржаўнага кантролю.
«Перспектыва» просіць разгледзець пытанне «аб спыненні дзеянняў Міністэрства па падатках і зборах, скіраваных на чарговае павелічэнне адзінага падатку для індывідуальных прадпрымальнікаў».
«Насуперак прапісанай у дырэктыве № 4 аб развіцці прадпрымальніцкай ініцыятывы нормы (пункт 4.1): „…забяспечыць правядзенне на пастаяннай аснове працы па зніжэнні падатковай нагрузкі…“ урад працягвае „генацыд“ індывідуальных прадпрымальнікаў, што пацвярджаецца данымі афіцыйнай статыстыкі», — гаворыцца ў звароце.
На думку «Перспектывы», «адзіны падатак у Беларусі страціў свой першапачатковы сэнс — фіксаванага плацяжу, які спрошчвае падатковае адміністраванне, якім ён з’яўляецца ў цывілізаваных краінах.Ён аброс павышальнымі каэфіцыентамі, ПДК у фіксаванай суме, апрача таго, методыка яго вылічэння таксама пастаянна дапрацоўваецца МПЗ у мэтах павелічэння падатковай нагрузкі на кожнага прадпрымальніка».
«Перспектыва» таксама зазначае, што ў пачатку 2012 года Міністэрства па падатках і зборах ужо ажыццявіла планы па павелічэнні ставак адзінага падатку для ІП у два разы. «Урад забывае, што сацыяльная функцыя, якую выконвае індывідуальнае прадпрымальніцтва ў эканоміцы краіны, вельмі значная. Сёння яно дае працу 250 тысячам чалавек, на ўтрыманні ў аднаго прадпрымальніка знаходзяцца ў сярэднім
«Перспектыва» просіць умяшацца ў ініцыятвы МПЗ па павышэнні адзінага падатку для прадпрымальнікаў, «скіраваныя на ўдушэнне сектара індывідуальнага прадпрымальніцтва ў Рэспубліцы Беларусь, і прадухіліць рост падаткаў і выспяваючы ў краіне
Паводле інфармацыі «Перспектывы», у Мінску адзіны падатак на ІП прадугледжваецца павялічыць на 30%, у рэгіёнах — да 50%.«Разам з падатковай нагрузкай, якая ўзрасла сёлета ў два разы, павялічылася арэнда ў 1,5–2 раза, з якой таксама з нашых грошай выплачваюцца падаткі. Атрымліваецца, што на прадпрымальнікаў кладзецца катастрафічная нагрузка, і, паводле слоў многіх прадпрымальнікаў, яны працуюць на дзяржаву і на арэндадаўцу. На сваё ўтрыманне грошай у іх можа і хапае, але на развіццё бізнесу няма», — зазначыў Шумчанка ў каментарыі БелаПАН.
«Фактычна сёння прадпрымальнікі становяцца донарамі для астатніх суб’ектаў гаспадарання.Рапартуючы аб зніжэнні ставак падатку для адной групы прадпрымальнікаў, якія выкарыстоўваюць іншую форму падаткаабкладання (напрыклад, спрошчаную сістэму падаткаабкладання), урад перакладвае падатковую нагрузку на іншых (плацельшчыкі адзінага падатку)», — мяркуе кіраўнік «Перспектывы».
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»31
Каментары