У Магілёве ўпершыню пройдзе перадкалядная «Ноч распродажу»
Два магазіны Магілёва — «Цэнтральны» і «Юбілейны» — плануюць гандляваць познім вечарам 21 снежня па зніжаных цэнах.
Магіляўчане і госці горада з 20.00 да 24.00 21 снежня змогуць набыць тавары са зніжэннем гандлёвай надбаўкі, паведамілі ў аддзеле ідэалагічнай працы Магілёўскага гарвыканкама.
Як паведаміла намеснік начальніка гарадскога ўпраўлення гандлю і паслуг Алена Волкава, такая акцыя ўпершыню пройдзе ў Магілёве. Яна зазначыла, што суб’екты гаспадарання самі яе арганізоўваюць па ініцыятыве дзяржорганаў. Зараз вырашаецца пытанне выканання працоўнага заканадаўства ў дачыненні да работнікаў гандлю гэтых магазінаў пры правядзенні начной акцыі.
Як паведаміла дырэктар магазіна «Юбілейны» Валянціна Кісялёва, скідкі на тавары ў «Ноч распродажу», магчыма, будуць на ўзроўні 20% ад рознічнай цаны.
Ва ўнівермагу «Цэнтральны», як заявіў намеснік генеральнага дырэктара Сяргей Бычкоў, пакуль не распрацавалі канчатковы механізм правядзення акцыі — вызначаюцца групы тавараў, на якія будуць зробленыя скідкі.
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ6
Каментары