Міністэрства фінансаў да 31 снежня 2012 года зробіць унёсак у выглядзе грашовага ўкладу Беларусі ў статутны фонд ААТ «Банк развіцця Рэспублікі Беларусь» 3 трлн. рублёў. Адпаведная пастанова № 1186 прынята Саўмінам 22 снежня.
Як паведамляе
Зараз статутны фонд банка складае 20 млрд. рублёў.
Уклад будзе зроблены за кошт астачы сродкаў дзяржаўнага мэтавага бюджэтнага фонду нацыянальнага развіцця, што ўтварылася на 1 студзеня 2012 года.
Дзяржаўнаму камітэту па маёмасці даручана забяспечыць да 31 снежня 2012 года прыняцце ва ўласнасць Беларусі акцый, выпушчаных у сувязі з павелічэннем статутнага фонду ААТ «Банк развіцця Рэспублікі Беларусь».
Пастанова ўваходзіць у сілу з дня яе прыняцця.
У снежаньскай ацэнцы сітуацыі ў эканоміцы Беларусі савет дырэктараў МВФ выказаў меркаванне, што нядаўна створаны Банк развіцця павінен узяць на сябе ўсё дзяржаўнае мэтавае крэдытаванне, каб даць магчымасць камерцыйным банкам працаваць на рыначнай аснове і палепшыць размеркаванне крэдытавання ў эканоміцы. «Неабходна таксама забяспечыць празрыстае фінансаванне Банка развіцця з бюджэту і выключыць магчымасць выпуску ім уласных даўгавых абавязацельстваў», — мяркуюць дырэктары МВФ.
ААТ «Банк развіцця Рэспублікі Беларусь» створана ў 2011 годзе згодна з указам кіраўніка дзяржавы. Асноўнай мэтай банка з’яўляецца фінансаванне дзяржаўных праграм і сацыяльна значных інвестыцыйных праектаў.
Заснавальнікамі сталі Савет міністраў і Нацыянальны банк. Старшынёй праўлення з’яўляецца Сяргей Румас.
Каментары