У мінулую нядзелю, 13 студзеня, напярэдадні старога Новага года, у горадзе Саўт-Рывер у штаце Нью-Джэрсі адбылося традыцыйнае святкаванне калядна-навагодняй ялінкі для дзяцей.
Праграма складалася з амерыканскіх і беларускіх калядак, дэкламацый і танцаў. Удзельнічалі ў праграме і малыя, і дарослыя. На вялікай пажарнай машыне прыезаў Дзед Мароз з торбай падарункаў. Дзеці абяцалі яму добра вучыцца ды слухацца бацькоў.
Святкавальную праграму падрыхтавалі прыхаджанкі царквы св. Еўфрасінні Полацкай: спадарыні Таццяна Дзямешчык і Віла Ляўчук. Задаволеныя святкаваннем былі ўсе: бабулі, дзядулі, бацькі, а найбольш дзеці.
***
* * *
Саўт-Рывер — горад у цэнтральнай частцы штата Нью-Джэрсі (ЗША). У канцы 1940-х — пачатку 1950-х тут былі заснаваныя некалькі беларускіх арганізацый: грамадскія, сацыяльныя, нават аматарскія спартыўныя клубы. Беларусы заснавалі прыход св. Ефрасінні Полацкай у юрысдыкцыі канстанцінопальскага патрыярхата, збудавалі царкву, Беларуска-амерыканскі грамадскі цэнтр, выдавалася газеты і часопісы. Царква і грамадскі цэнтр дзейнічаюць і па сёння. У 2012 г. беларусы зладзілі ў Саўт-Рыверы некалькі святкаванняў: Дзень Волі, Вялікдзень, Беларускі этнічны фестываль, адзначылі 40-я ўгодкі пабудовы царквы, у пачатку студзеня былі ўрачыста адзначаныя Каляды.
Каментары