Салігорскім раённым аддзелам Следчага камітэта распачата справа за злоснае хуліганства (ч. 2 арт. 339 Крымінальнага кодэкса) у дачыненні да двух жыхароў Слуцка.
Як паведамілі ва ўпраўленні ўнутраных спраў на транспарце МУС Беларусі, 23 студзеня ў Асіповіцкі аддзел транспартнай міліцыі звярнулася 37-гадовая жыхарка Слуцкага раёна.
Жанчына распавяла, што каля 11.20 у дызель-цягніку Асіповічы — Салігорск два невядомыя выказвалі пагрозы фізічнай расправы ёй і іншым пасажырам, пагражалі ўзарваць прадмет, падобны да гранаты, пасля чаго адзін з іх беспрычынна збіў яе.
Супрацоўнікамі Салігорскага РАУС па арыенціроўцы транспартнай міліцыі на станцыі Салігорск у дызель-цягніку былі затрыманы два жыхары Слуцка: непрацуючы 1988 г.н., раней судзімы за ўчыненне крадзяжу, хуліганства і ўхіленне ад адбывання пакарання ў выглядзе абмежавання волі, і індывідуальны прадпрымальнік 1986 г. н., раней судзімы за ўчыненне крадзяжоў і махлярстваў. У апошняга знойдзена і канфіскавана біта і вучэбная граната РГД-5.
Падазраваныя змешчаны ў ІЧУ.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары