«Мабілаграфія» — новая рубрыка конкурсу. Цяпер можна дасылаць адзінкавыя здымкі ці серыі, зробленыя на мабільныя прылады.
Да ўдзелу запрашаюцца прафесійныя фотажурналісты, а таксама фатографы, якія ў сваіх праектах уздымаюць сацыяльна значныя тэмы.
На конкурс могуць падавацца фотаздымкі апублікаваныя і не апублікаваныя ў прэсе.
Пераможцы будуць вызначаныя ў намінацыях «Навіны», «Штодзённае жыццё», «Рэпартажны партрэт», «Пастановачны партрэт», «Спорт», «Мастацтва і забавы», «Прырода», «Традыцыі» і «Мабілаграфія».
«Мабілаграфія» — новая рубрыка конкурсу. Цяпер можна дасылаць адзінкавыя здымкі ці серыі, зробленыя на мабільныя прылады і апрацаваныя пры дапамозе «Instagram», «Hipstamatic» ды іншых падобных праграмаў, якія ўжываюць да фатаграфіяў разнастайныя фільтры, эфекты і рамкі.
Конкурс «Прэс-фота Беларусі» праводзіцца ўжо чацвёрты раз. У 2012 годзе арганізатары атрымалі рэкордную колькасць здымкаў: 2500 ад 90 аўтараў, фатографаў дзяржаўных і недзяржаўных СМІ.
За час існавання конкурсу здымкі пераможцаў дэманстраваліся ў Мінску, Гродне, Брэсце, на фестывалях у «Шаблях», а таксама за мяжой – у Польшчы, Украіне, Расіі, Грузіі, Літве.
Па выніках конкурсу выдаецца альбом здымкаў пераможцаў «Прэс-фота Беларусі», які ўжо другі год уваходзіць у дзесятку найлепшых кніг паводле версіі кнігарні «ЛогвінаЎ».
Конкурсныя здымкі прымаюцца да 28 лютага.
Больш інфармацыі, а таксама ўмовы ўдзелу можна знайсці на сайце pressphoto.by.
Кантактная асоба:
Вадзім Заміроўскі, +37529/ 353 54 52
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»13
Каментары