Структура ўпраўлення Міністэрства спорту і турызму будзе скарочана са 148 да 107 чалавек, паведаміў кіраўнік ведамства Аляксандр Шамко на прэс-канферэнцыі 6 сакавіка.
Паводле яго слоў, плануецца, што колькасць дзяржаўных трэнераў будзе паменшана з 58 да 15: кожны будзе курыраваць некалькі відаў. З 12 рэспубліканскіх вучылішчаў алімпійскага рэзерву мяркуецца пакінуць восем, а колькасць навучэнцаў скараціць з 3,6 да 2,5—2,7 тыс. Кожныя чатыры гады, напярэдадні чарговага алімпійскага цыкла, вучылішчы будуць праходзіць пераатэстацыю.
Падрыхтоўку ж нацыянальных каманд плануецца перадаць у падпарадкаванне рэспубліканскіх цэнтраў алімпійскай падрыхтоўкі (РЦАП). Мяркуецца таксама стварыць у міністэрстве структуры, якія будуць суправаджаць спартыўную навуку, медыцыну і антыдопінгавую палітыку. Паводле слоў міністра, гэта не пацягне стварэння дадатковай колькасці чыноўнікаў.
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў8
Каментары