Нецэнзурная лаянка ў кіно, кнігах і на сцэне будзе карацца вялікімі штрафамі.
Дзярждума Расіі прыняла ў першым чытанні закон, які пакіне расейцам рускі мат толькі для асабістага карыстання: нецэнзурная лаянка ў кіно, кнігах і на сцэне будзе карацца вялікімі штрафамі, паведамляе bbcrussian.com.
У законапраекце, які ўнёс дэпутат ад «Адзінай Расіі», кіраўнік перадвыбарчага штаба Уладзіміра Пуціна і кінарэжысёр Станіслаў Гаварухін, прапануецца штрафаваць за «нецэнзурную лаянку» на тэлебачанні, у кіно, у кнігах, у любой друкаванай перыёдыцы, а таксама на «тэатральна-відовішчных , культурна-асветных і відовішчна-забаўляльных мерапрыемствах».
Простых грамадзян Гаварухін прапануе штрафаваць на суму да 2,5 тысячы расійскіх рублёў (1RUR=280BLR), службовых асоб — на суму да 5 тысяч, арганізацыі будуць плаціць за тое, што ўлады палічаць «лаянкай», 40-50 тысяч рублёў.
«Я не хачу рабіць рэкламу, але гэта я сустракаю ўвесь час і ўсюды: і на эстрадзе, і ў тэатры, і кінематографе. Пра літаратуру ўжо і казаць няма чаго: ёсць такія пісьменнікі, што без мата наогул не могуць», — адказаў Станіслаў Гаварухін на пытанне bbcrussian.com, дзе ён сутыкаецца з патокамі нецэнзуршчыны, якія патрабуюць спецыяльнага закона.
Юрысты розных ведамстваў, якія пісалі заключэнне на законапраект, раскрытыкавалі яго форму, але падтрымалі агульную ідэю.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары