У суботу хакеры размясцілі ў апытанцы «Ці прагаласавалі б Вы за Віктара Лукашэнку» вірус, ён выдалены
Сайт можна бяспечна наведваць, але інфармацыя пра вірус засталася ў памяці некаторых антывірусных праграм і Гугла.
У сувязі з гэтым пры спробе ўвайсці на сайт з дапамогай некаторых браўзераў у вас усё яшчэ можа з’яўляцца папярэджанне пра наяўнасць шкоднага кантэнту.
Вірус быў выдалены з сайта праз лічаныя хвіліны, тым не менш, яго паспелі зафіксаваць антывіруснікі, і ўнеслі сайт у спіс падазроных.
Гэта не першая спроба размясціць на НН траян. Аналагічныя выпадкі здараліся ў 2011 і 2012 гадах.
Iframe на НН загружаў з іншага сайта
Цікава, што гэтым разам на НН вірус учапілі за загаловак апытанкі «Ці прагаласавалі б Вы за Віктара Лукашэнку». Дарэчы, хоць гэта не мае дачынення да тэмы, у ёй «так» адказалі 4%, «не» — 69% і 27% адказалі «А хто ў мяне будзе пытацца».
Цяжка сказаць, хто стаіць за такімі інфекцыямі. Гэта могуць быць зламыснікі рознага роду. У прыватнасці, ёсць такія хакеры, якія проста зарабляюць на кліках: вірус аўтаматычна перанакіроўвае наведніка на сайт з рэкламай, за які ідзе аплата па кліках.
Цяпер чытаюць
Полк Каліноўскага паведаміў пра гібель трох байцоў2
Каментары