У Баранавічах міліцыянты затрымалі падазраванага ў крадзяжы да таго, як ахвяра заявіла пра здарэнне
Гэта здарыдася ў начной электрычцы, якая ехала з Мінска ў Брэст.
«На станцыі «Баранавічы-Палескія» ўвагу супрацоўнікаў міліцыі прыцягнуў малады чалавек, які выйшаў з электрацягніка. Для высвятлення асобы яго запрасілі ў дзяжурную частку, а там пры аглядзе выявілі ў яго кашалёк з 1,9 млн рублёў», — расказаў начальнік штаба Баранавіцкага аддзела ўнутраных спраў на транспарце Вадзім Кулік, паведамляе «Intex-press».
Як аказалася, затрыманы — 19-гадовы жыхар Пінскага раёна, які раней быў судзімы за рабаванне.
Міліцыянты, па словах Вадзіма Куліка, западозрылі, што кашалёк хлопец у кагосьці выкраў. «Іх падазрэнні неўзабаве пацвердзіліся: у дзяжурную часць звярнуўся жыхар Жабінкі, які паведаміў, што прачнуўшыся ў электрычцы, не знайшоў свайго кашалька», — расказаў начальнік штаба.
У дачыненні да жыхара Пінскага раёна распачата крымінальная справа па артыкуле «крадзеж».
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары