Чаргінец пра скандал з «Міс Мінск — 2013»: «Путана, якая атрымала званне «міс»
Старшыня грамадскай рады па маральнасці Мікалай Чаргінец мяркуе, што мінскія гарадскія ўлады павінны зрабіць высновы ў сувязі з некаторымі акалічнасцямі конкурсу прыгажосці, які прайшоў у Мінску.
На жаль, конкурс прыгажосці — гэта правакацыя адносна мінскіх уладаў. Я лічу, што іх падставілі. Усе спадзяваліся на прыстойнасць гэтых арганізатараў, а яны, напэўна, глядзяць наперад — на будучы прыбытак», — заявіў агенцтву «Інтэрфакс» Чаргінец адносна размешчаных у інтэрнэце здымкаў удзельніц конкурсу прыгажосці.
«Путана, якая атрымала званне «міс», — вось прыгажуня. І колькі ж яна будзе каштаваць? Я ўжо не кажу пра кошт сумлення тых, хто арганізаваў гэтую правакацыю», — сказаў Чаргінец.
«Мне шкада кіраўнікоў Мінска, якія даверыліся арганізатарам конкурсу, даручылі ім правядзенне конкурсу. Наогул, гэта наша бяда — у тым, што ўсё больш і больш у свет культуры, мастацтва, літаратуры лезуць нейкія паўзуны і ствараюць гэтую атмасферу. Апашляюць добрую справу — конкурс прыгажосці», — адзначыў Чаргінец.
Ён таксама мяркуе, што «ля вытокаў конкурсу можа стаяць правакатар ці правакатары, якія вырашылі зарабіць на гэтым добрыя грошыкі».
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары