Інцыдэнт адбыўся раніцай 6 ліпеня на вачах у пасажыраў цягніка.
Увага групы падлеткаў, што ехалі ў мінулую суботу ў электрычцы Орша-Мінск, да пасажыра неславянскага выгляду скончылася бойкай і крымінальнай справай.
Відавочца здарэння Таццяна расказала, што ў вагоне ў тую раніцу было поўна пасажыраў. На адной са станцый зайшла група маладых людзей 16-20 гадоў. Адзін з іх сеў побач з мужчынам-арабам. Спачатку яны мірна размаўлялі, але потым малады чалавек ускочыў і пачаў збіваць мужчыну. Біў пераважна па галаве. За араба заступіўся адзін з пасажыраў і бойка спынілася. Сведкі кажуць, што гэта было хутчэй збіццё, бо мужчына фактычна толькі адбіваўся.
Таццяна выклікала міліцыю, але патруль прыехаў на канцавы прыпынак са спазненнем — кампанія маладзёнаў на той момант знікла. Яна зрабіла некалькі здымкаў і зняла кампанію на відэа. Па словах сведак, маладыя людзі былі абсалютна спакойныя, нават нахабныя. Адзін з іх пагражаў дзяўчыне ў часе здымкі.
Як высветлілася пазней, збітым аказаўся грамадзянін Сірыі, клінічны ардынатар 10-й гарадской клінічнай бальніцы Мінска.
Першапачатковае разбіральніцтва праводзіла Мінскае аддзяленне ўнутраных спраў на транспарце. Сабраны матэрыял далей быў перададзены ў Кастрычніцкі раён Следчага камітэта, дзе распачалі крымінальную справу.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага28
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА55
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА5
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары