Junak źbiŭ miedyka-siryjca ŭ elektryčcy Orša-Minsk — fota i videa
Incydent adbyŭsia ranicaj 6 lipienia na vačach u pasažyraŭ ciahnika.
Uvaha hrupy padletkaŭ, što jechali ŭ minułuju subotu ŭ elektryčcy Orša-Minsk, da pasažyra niesłavianskaha vyhladu skončyłasia bojkaj i kryminalnaj spravaj.
Vidavočca zdareńnia Taćciana raskazała, što ŭ vahonie ŭ tuju ranicu było poŭna pasažyraŭ. Na adnoj sa stancyj zajšła hrupa maładych ludziej 16-20 hadoŭ. Adzin ź ich sieŭ pobač z mužčynam-arabam. Spačatku jany mirna razmaŭlali, ale potym małady čałaviek uskočyŭ i pačaŭ źbivać mužčynu. Biŭ pieravažna pa hałavie. Za araba zastupiŭsia adzin z pasažyraŭ i bojka spyniłasia. Śviedki kažuć, što heta było chutčej źbićcio, bo mužčyna faktyčna tolki adbivaŭsia.
Taćciana vyklikała milicyju, ale patrul pryjechaŭ na kancavy prypynak sa spaźnieńniem — kampanija maładzionaŭ na toj momant źnikła. Jana zrabiła niekalki zdymkaŭ i źniała kampaniju na videa. Pa słovach śviedak, maładyja ludzi byli absalutna spakojnyja, navat nachabnyja. Adzin ź ich pahražaŭ dziaŭčynie ŭ časie zdymki.
Jak vyśvietliłasia paźniej, źbitym akazaŭsia hramadzianin Siryi, kliničny ardynatar 10-j haradskoj kliničnaj balnicy Minska.
Pieršapačatkovaje raźbiralnictva pravodziła Minskaje adździaleńnie ŭnutranych spraŭ na transparcie. Sabrany materyjał dalej byŭ pieradadzieny ŭ Kastryčnicki rajon Śledčaha kamiteta, dzie raspačali kryminalnuju spravu.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary