Ратуючыся ад пажару, мужчына павіс на 3 паверсе і зламаў палец на назе
Пажар адбыўся ў суботу, 13 ліпеня, у Маладзечне па вуліцы Багдана Хмяльніцкага каля 8.20.
Калі на месца здарэння прыехалі выратавальнікі, з акна трэцяга паверха шматпавярхоўкі ішоў дым. У кватэры былі два мужчыны: 40-гадовы гаспадар і 26-гадовы сусед.
Яны на кухні пералівалі растваральнік, які і стаў прычынай пажару. Гаспадар трапіў у рэанімацыю з 30% апёкаў цела 1, 2 і 3 ступеняў.
У яго калегі апёкі кісцяў і пералом вялікага пальца на назе. Яго ён атрымаў, калі, ратуючыся ад пажару, павіс за акном, трымаючыся за падаконнік, але не ўтрымаўся і зваліўся.
Выйсці з кватэры мужчыны не маглі, бо агонь перакінуўся на кухонныя дзверы.
Каментары