Для гэтага адкрыты дабрачынны рахунак.
Беларускія рублі. Філіял 500, Мінскае ўпраўленне ААТ «АББ «Беларусбанк», г. Валожын, УНП 100603596, МФА 153001601, транзітны рахунак № 3819382123319 на дабрачынны рахунак №000008 у аддзяленні №500 МУ. Прызначэнне плацяжу: 9004, на імя Шаблінскага Уладзіміра Барысавіча на ўднаўленне разбуранага пажарам жылога дома ў в. Запруддзе (дарэнне). Важна ўказаць менавіта такое прызначэнне плацяжа.
Для юрыдычных асобаў просьба высылаць інфармацыю пра ахвяраванне і копію квітанцыі на [email protected], каб вам пераслалі ўзор дамовы на аказанне дабрачыннай дапамогі. Дадатковая інфармацыя праз нумар (029) 688-61-74.
* * *
«Згарэў дом — дзевяць гадоў жыцця, — кажа ўладальнік хутара ў вёсцы Малое Запруддзе Уладзімір Шаблінскі. — Хутар не згарэў, бо гэта супольнасць людзей і інфраструктура. А дом выкарыстоўваўся для адпачынку людзей, задзейнічаных на канцэртах. Цяпер будзем адпачываць у іншым будынку. І фестываль «Вольнае паветра» ў жніўні пройдзе
— зменаў няма».
Пажар здарыўся ноччу на 2 ліпеня. Хутар «Шаблі» — сядзіба ў Валожынскім раёне, якую стварыў прадзюсар Уладзімір Шаблінскі. Тут праводзяцца музычныя канцэрты, на якія з’язджаюцца сотні людзей у пошуках цёплай атмасферы. Гэта адно з нешматлікіх месцаў, дзе праводзяцца канцэрты пад адкрытым небам. Пажар заўважылі суседзі Шаблінскага. Яны і выклікалі пажарных. На шчасце, у доме ў той час нікога не было.
«Гэта фатальны збег абставінаў. На мансардзе вяліся рамонтныя работы. І не прадугледжвалася ў гэты час выкарыстанне каміна. А ў доме адпачывалі мае сябры. Яны пра работы не ведалі. Запалілі ў каміне і пайшлі гуляць. Відаць, нейкае будаўнічае смецце загарэлася»,
— са скрухай кажа Шаблінскі.
«Прыйдзецца ставіць новую хату. Спадзяюся, гэта зойме менш за дзевяць гадоў», — так гаспадар ацаніў страты.
Каментары