Стартавы кошт зямельных участкаў на аўкцыёнах у Мінску для прадастаўлення ў прыватную ўласнасць дасягае Br860 млн, паведаміў на аператыўнай нарадзе ў гарвыканкаме дырэктар Мінскага гарадскога цэнтра нерухомай маёмасці Станіслаў Коцікаў.
У 2012 годзе ў сталіцы праведзена 22 аўкцыёны і рэалізавана 24 участкі, у 2013 годзе — 15 аўкцыёнаў, прададзена 20 участкаў на суму больш як Br19 млрд. Усяго пакупнікам прапануецца 102 участкі (на права арэнды, праектавання і будаўніцтва, у прыватную ўласнасць).
«Калі па пляцоўках, прапанаваных у арэнду, попыт ёсць, яны прывабныя для размяшчэння аб’ектаў гандлю, грамадскага харчавання, аказання паслуг насельніцтву, то 22 участкі для прадастаўлення ў прыватную ўласнасць для будаўніцтва і абслугоўвання аднакватэрных, блакіраваных жылых дамоў, на жаль, у бягучым годзе не знайшлі пакупнікоў. Яны выстаўляліся неаднаразова, некаторыя па 7–9 разоў, але
Паводле яго слоў, павелічэнне кадастравай вартасці зямлі сёлета паўплывала на канчатковы кошт.
Так, калі раней некаторыя ўчасткі ў раёне вул. Папярнянскай каштавалі каля Br450 млн., то цяпер — Br860 млн.«Іх не бралі і па папярэдняй цане, не гаворачы ўжо пра лічбу ў амаль Br1 млрд. Трэба шукаць іншыя падыходы да іх рэалізацыі, можа, прапанаваць у арэнду на 99 гадоў», — адзначыў Станіслаў Коцікаў.
Таксама праводзіліся аўкцыёны па продажы аб’ектаў, у бягучым годзе ад гэтага віду дзейнасці ў даход горада паступіла Br111 млрд. (за ўвесь 2012 год — Br123,6 млрд.). Вырасла рэзультатыўнасць таргоў. Адбыліся аўкцыёны на прадастаўленне ў арэнду пляцовак для рэалізацыі агародніны, садавіны, квасу, марожанага і іншых памяшканняў.
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?7
Каментары